Фарғона шаҳрида 15 та янги махсус техника хизмат кўрсатишни бошлади
2025-12-23 20:25:00 / Янгиликлар
Фарғона шаҳрида тозалик ва ободонлаштириш ишларини янада самарали ташкил этиш мақсадида «Қирғули коммунал сервис» ҳамда «Махсус гарант авто сервис» МЧЖ томонидан 15 та махсус чиқинди ташиш техникаси олиб келинди.
Мазкур техникаларни топшириш маросимида вилоят ҳокими Хайрулло Бозоров иштирок этиб, янги махсус автомашиналар шаҳар ҳудудларини тоза ва ораста сақлаш, коммунал хизматлар самарадорлигини оширишда муҳим аҳамиятга эга эканини таъкидлади.
Замонавий талаблар асосида жиҳозланган ушбу техникалар маиший чиқиндиларни ўз вақтида йиғиш ва ташиш, санитария ҳолатини яхшилаш ҳамда аҳолига кўрсатилаётган коммунал хизматлар сифатини оширишга хизмат қилади.