Бир гуруҳ қишлоқ хўжалиги фидойиларига давлат мукофотлари топширилди
2025-12-10 12:45:00 / Янгиликлар
Бугун вилоят ҳокимлигида бўлиб ўтган тадбирда ушбу мукофотлар ўз эгаларига тантанали топширилди.
Вилоят ҳокими Хайрулло Бозоров тадбир иштирокчиларини Қишлоқ хўжалиги ходимлари куни билан самимий табриклаб, мамлакатимизда сўнгги йилларда қишлоқ хўжалиги соҳасида амалга оширилаётган кенг кўламли ислоҳотларнинг аҳамиятига тўхталди. Соҳада илм-фан ютуқларининг кенг жорий этилиши натижасида ҳосилдорлик ва манфаатдорлик изчил ошиб бораётгани, машаққатли меҳнат, омилкорлик, бой билим ва тажриба бунда муҳим ўрин тутаётганлиги қайд этилди.
Тадбирда Фарғона вилоятида қишлоқ хўжалигида эришилаётган салмоқли ютуқлар, айниқса, пахта ва ғаллачилик соҳаларида шаклланган илғор тажриба эътироф этилди. Қайта ишлаш, логистика ва экспорт йўналишларида амалга оширилаётган ишлар алоҳида таъкидланиб, бугун вилоятда етиштирилаётган қишлоқ хўжалиги маҳсулотлари 67 та давлатга экспорт қилинаётгани, бунга талаб йилдан-йилга ошиб бораётгани таъкидланди.
Вилоят ҳокими тизимда самарали меҳнат қилиб, юксак давлат мукофотларига сазовор бўлган 8 нафар юртдошларимизни табриклаб, уларга мустаҳкам соғлиқ, омад ва янги зафарлар тилади. Давлат мукофотларини тантанали равишда ўз эгаларига топширди.