Фарғонада “Фуқаролик жамияти ҳафталиги” доирасидаги тадбирлар фаоллик билан ўтказилмоқда
2025-11-29 18:25:00 / Янгиликлар
2024 йилда Президент фармони билан ҳар йили декабрнинг биринчи ҳафтасида мазкур ҳафталикни ўтказиш белгилаб қўйилгани ҳам бу йўналишдаги янгича ёндашувнинг амалий кўриниши саналади. Шунингдек, норматив-ҳуқуқий базанинг такомиллашуви, Парламент комиссиясининг фаолият бошлаши ва давлат грантлари механизмларининг кенгайиши ННТлар учун янги имкониятлар яратмоқда.
Фарғонада ўтган ҳафталик доирасида учрашувлар, форумлар, конференциялар, ижтимоий лойиҳалар тақдимотлари, шунингдек, маҳаллий ННТлар томонидан тайёрланган маҳсулотлар ярмаркаси ташкил этилди. Булар фуқаролик жамияти институтларининг жамият ҳаётидаги ўрни ва таъсирини янада оширишга хизмат қилмоқда.
Бугун Фарғона шаҳридаги Нодавлат нотижорат ташкилотлари уйида ўтган якуний тадбир иштирокчиларда катта таассурот қолдирди. Унда вилоят ҳокимининг ўринбосари Бурҳонжон Қўлдошев иштирок этиб, фуқаролик жамиятини ривожлантиришга муносиб ҳисса қўшиб келаётган нодавлат нотижорат ташкилотлари раҳбарлари ва масъул ходимлари фаолиятини алоҳида эътироф этди. Уларга вилоят ҳокимлигининг эсдалик совғаларини топширди.
Бу эътироф ННТлар меҳнати ва жамият ривожига қўшган ҳиссасига берилаётган юқори баҳо сифатида қабул қилинди.
Тадбир иштирокчилари таъкидлаганидек, бу каби мулоқот майдонлари давлат идоралари ва фуқаролик жамияти институтлари ўртасида очиқ, конструктив ҳамкорликни янада мустаҳкамлашга хизмат қилади.