Меҳнат кодекси ва "Бола ҳуқуқларининг кафолатлари тўғрисида"ги қонунга кўра, 15 ёшга тўлмаган болаларни доимий ёки оғир ишларга жалб этиш тақиқланади!

Ишга қабул қилиш ёши — 16 ёш.

15 ёшга тўлмаган шахслар ота-она (ёки васий) розилигига кўра, соғлиғига ва ўқишига зарар етказмайдиган ушбу рўйхатдаги енгил ишларда ишлаши мумкин.

Масалан:

Спорт, маданият ва санъат: театр, кино, концерт, мода ёки реклама лойиҳаларида;

Ахборот ва ижодий фаолият: расм чизиш, дизайн, рақамли контент яратиш, болалар блоги, танлов ва ижодий лойиҳаларда.

Иш вақти чекловлари:

• 15–16 ёшда — ҳафтасига 24 соатгача;
• Агар бола ўқиётган бўлса — ҳафтасига 12 соатгача.

Иш фақат дарсдан кейин ёки таътил пайтида амалга оширилиши лозим.