Халқаро Меҳнат Ташкилоти (ILO) - бу дунё бўйлаб меҳнат шароитларини яхшилаш ва ижтимоий адолатни таъминлаш борасида иш олиб борувчи ташкилот. Унинг асосий вазифалари қуйидагилардан иборат:

▪️Меҳнат стандартларини ишлаб чиқиш ва уларни амалга ошириш: меҳнат шароитлари, ишчиларнинг ҳуқуқлари ва иш берувчиларнинг мажбуриятлари билан боғлиқ халқаро стандартларни ишлаб чиқади;

▪️ Меҳнат бозорини ривожлантириш: ишсизликни камайтириш, меҳнат бозорини барқарорлаштириш ва ишчиларнинг малакасини оширишга қаратилган дастурларни амалга оширади;

▪️ Ижтимоий ҳимояни мустаҳкамлаш: ишчиларни касаллик, ногиронлик, ишсизлик ва кексаликдан ҳимоя қилишга қаратилган ижтимоий ҳимоя тизимларини ривожлантиришда ёрдам беради;

▪️ Меҳнат муносабатларини яхшилаш: ХМТ ишчилар ва иш берувчилар ўртасидаги муносабатларни яхшилаш, коллектив музокараларни қўллаб-қувватлаш ва меҳнат низоларини ҳал қилишда ёрдам беради;

▪️ Меҳнат ҳуқуқларини ҳимоя қилиш: ишчиларнинг ҳуқуқларини ҳимоя қилиш, мажбурий меҳнат ва болалар меҳнатини йўқ қилишга қаратилган чораларни амалга оширади,

Маълумот учун: Ўзбекистон 1992-йилнинг 26-март куни Халқаро меҳнат ташкилотига аъзо бўлган.