Агентство гражданской авиации при Министерстве транспорта Республики Узбекистан

Yetuk davlat arbobi va iste'dodli sarkarda sifatida u o‘z nomini jahon tarixiga abadiy muhrladi. Uning o‘lmas asari — Boburnoma – o‘z davrining ruhi, geografiyasi va buyuk hukmdorning ichki olamini aks ettirgan noyob tarixiy va adabiy yodgorlikdir. Bobur Mirzo – Temuriylar Renessansiga munosib davomchi, ilm-fan, madaniyat, san'at va adabiyot homiysi edi. Unda sarkarda matonati va shoir nozikligi, hukmdor donishmandligi va ijodkor qalbining latofati uyg‘unlashgan. Uning ijodi va davlatchilik faoliyati jonajon Vatanimizni butun dunyoga tarannum etdi. Bobur hayoti – matonat, jasorat va Vatanga beqiyos muhabbat namunasidir. Uning boy merosi avlodlarni birlashtiradi, bilim olishga, rivojlanishga va yuksak orzu-intilishlarga ilhom baxsh etadi. Buyuk ajdodimiz xotirasi xalqimiz tarixining boyligi, yuksak qudrati va madaniy merosining ulug‘vorligini yodga solib turadi. Bobur xotirasi xalqimiz qalbida mangu yashasin!