Jańa Tashkenttegi qurılıs jumısları kózden ótkerildi

Mámleketimiz basshısı dáslep Jańa Tashkent qalasın qurıw direkciyasında boldı. Bul jerde qalanıń keń kólemli maketi hám sanlı kartası tiykarında qurılıslardıń ulıwma barısı, iri obektlerdiń óz-ara jaylasıwı hám gezektegi qurılıs rejeleri haqqında málimleme berildi.

Transport hám injenerlik infrastrukturasın qurılıslar menen únles rawajlandırıw, jasıl aymaqlar hám jámiyetlik mákanlardı óz-ara baylanı-stırıw, Jańa Tashkentti paytaxttıń ámeldegi aymaǵı menen úzliksiz baylanı-stırıw máseleleri kórip shıǵıldı. Barlıq joybarlardı bir pútin qala qurılısı koncepciyası tiykarında, joqarı sapa hám arxitekturalıq sáy-keslikti támiyinlegen halda ámelge asırıw zárúrligi atap ótildi.

Bunnan soń Prezident Nizamiy atındaǵı Ózbekstan milliy pedagogikalıq universitetiniń Jańa Tashkentte qurılıp atırǵan kampusın kózden ótkerdi.

Kompleks Jańa Tashkent qurılısınıń birinshi basqıshı sheńberinde qurılmaqta. Házirgi waqıtta rektorat hám ayırım fakultetler imaratların-da juwmaqlawshı qurılıs hám pardozlaw jumısları alıp barılmaqta.

Mámleketimiz basshısı imaratlardıń ishki orınları, oqıw hám hákimshi-lik xanalardıń jaylasıwı, injenerlik tarmaqları jáne aymaqtı abadanla-stırıw jumısları menen tanıstı. Juwapkerler qurılıstıń barısı, ima-ratlardı úskenelew hám kampustı paydalanıwǵa tayarlaw ilajları haqqında málimleme berdi.

Jańa kampus quramında oqıw imaratları, ilimiy laboratoriyalar, málim-leme-resurs orayı, elektron kitapxana, studentler turaq jayları, sport hám mádeniyat obektleri boladı. Bul jerde bilimlendiriw, ilimiy-izertlew hám studentlerdiń turmısın bir mákanda úylestirgen bir pútin ortalıq jaratı-ladı.

Universitette xalıqaralıq bilimlendiriw standartların basqıshpa-basqısh engiziw, basqarıw sistemasın “Jańa Ózbekstan” universiteti tájiriybesi tiykarında transformaciyalaw rejelestirilgen. Oqıw processlerin zamanagóy sanlı platformalar arqalı basqarıw názerde tutılǵan.

Soń mámleketimiz basshısı Jańa Tashkentte qurılıp atırǵan Ózbekstan Milliy kitapxanasınıń jańa imaratındaǵı qurılıs jumısların kózden ótkerdi.

Bul obekt jańa qalanıń tiykarǵı ilim hám aǵartıwshılıq oraylarınan biri sıpatında qurılmaqta. Jańa Tashkenttiń qurılısı, bárinen burın, bi-limlendiriw hám aǵartıwshılıq obektlerinen baslanǵan bolıp, Milliy ki-tapxana bul koncepciyada áhmiyetli orın iyeleydi.

Házirgi waqıtta komplekste qurılıs hám pardozlaw jumıslarınıń 90 pro-centi orınlanǵan. Kitapxananı usı jılı paydalanıwǵa tapsırıw rejelesti-rilgen.

Ulıwma maydanı 30 mıń kvadrat metrden aslam bolǵan tórt qabatlı imarat bir waqıttıń ózinde 1 mıń 420 kitapqumarǵa xızmet kórsetiw imkaniyatına iye boladı. Onıń arxitekturalıq sheshiminde milliy dástúrler hám zamanagóy usıl sáykeslengen.

Kitapxanada kitap fondların saqlaw, esapqa alıw, olardıń qáwipsizligin támiyinlew hám zıyansızlandırıw ushın arnawlı joqarı texnologiyalı xana-lar shólkemlestiriledi. Xalıqaralıq hám milliy iri kitapxanalardıń elek-tron bazalarınan onlayn paydalanıw imkaniyatı da jaratıladı.

Kózi ázzi puqaralar ushın arnawlı oqıw hám izertlew ortalıǵı, 300 orınlıq kafe, galereya, sport hám dem alıw aymaqları qurıladı. Usı tárizde, kitapxana kitapqumarlıq, ilimiy izleniw hám mádeniy-aǵartıwshılıq qarım-qatnastı birlestiretuǵın zamanagóy orayǵa aylanadı.

Prezidentimiz qurılıs hám úskenelew jumısların sapalı juwmaqlaw, kitapxana fondı, sanlı xızmetler hám paydalanıwshılar ushın jaratılatuǵın sharayatlardı óz-ara úylesimli halda shólkemlestiriw boyınsha kórsetpeler berdi.

Sapardıń gezektegi mánzili “Jańa Ózbekstan” universitetiniń jańa kampusı boldı.

Eliw gektar maydanda qurılıp atırǵan kompleks 10 mıń studentke mólsher-lengen. Onda fakultetler hám rektorat imaratları menen birge kitapxana, muzey, kórgizbe hám multimedia zalları, sport kompleksi, júziw basseyni hám studentler turaq jayları jaylasadı.

Jańa kampusta bilimlendiriw, ilimiy-izertlew, innovaciya hám studentler turmısın birden-bir ortalıqta úylestiriwge ayrıqsha itibar qaratılǵan.

Atap ótilgenindey, bul bilimlendiriw hám aǵartıwshılıq dárgayları Jańa Tashkentte zamanagóy ilim hám bilimlendiriw ortalıǵın qáliplestirip, jaslardıń bilim hám potencialın júzege shıǵarıwǵa xızmet etedi.

Jańa Tashkentte qurılıp atırǵan zamanagóy futbol stadionındaǵı qurılıs jumısları da kózden ótkerildi.

55 mıń tamashagóyge mólsherlengen bul arena qurılısı 2025-jıl noyabr ayında baslanǵan. Házirgi waqıtta qurılıs jumıslarınıń 65 procenti orın-lanǵan.

Stadion 2027-jılı ótkeriletuǵın 20 jasqa shekemgi futbolshılar ara-sındaǵı jáhán chempionatınıń tiykarǵı arenası sıpatında xızmet etedi. Bul jerde jarıstıń yarım final hám final oyınların ótkeriw rejelestirilgen.

Altı qabatlı sport kompleksi FIFAnıń barlıq talaplarına muwapıq qurılmaqta. Onda sportshılar, ıqlasbentler hám ǵalaba xabar qurallarınıń wákilleri ushın zamanagóy sharayatlar jaratıladı.

Tamashagóylerdiń qolaylı háreketleniwi ushın 10 nan aslam eskalator orna-tıladı. Stadion aymaǵında úsh shınıǵıw maydanı hám 5 mıń 500 orınlıq avtomobil turatuǵın orın shólkemlestiriledi. Arena janında metro bándir-gisi de qurıladı.

Imarattıń arxitekturalıq kórinisinde zamanagóy usıl hám milliy dástúrler úylesken. Qurılısta “jasıl energiya,” “aqıllı basqarıw” hám ekologiyalıq turaqlılıq principlerine ayrıqsha itibar qaratılmaqta.

Atap ótilgenindey, bul arena iri xalıqaralıq jarıslardı qabıl etiw menen birge, jaslar sportın rawajlandırıw, professional futbolshılar tayarlaw hám mámlekette zamanagóy sport infrastrukturasın keńeytiwge xızmet etedi.

Mámleketimiz basshısı qurılıs jumısların belgilengen múddette hám sapalı juwmaqlaw, stadiondı transport sisteması jáne Jańa Tashkenttiń ulıwma qala qurılısı ortalıǵı menen úylestiriw boyınsha kórsetpeler berdi.