Xotin-qizlar qo‘mitasi tarixi

1-bosqich:

O‘zbekiston Respublikasi davlat mustaqilligiga erishgach, 1991-yil 27-dekabrda O‘zbekiston Xotin-qizlarining Termiz konferensiyasida O‘zbekiston Xotin-qizlar qo‘mitasi jamoat tashkiloti sifatida tashkil topgan.

O‘sha yillari Jumhuriyat xotin-qizlar qo‘mitasi deb yuritilgan va ilk rais sifatida Halima Xudoyberdieva saylangan.(Ushbu konferensiya bo‘yicha asosli manba yetarli emas. Lex.uz milliy bazasida qo‘mita 1992-yildagi Prezident farmonida Xotin-qizlar komiteti sifatida qayd etilgan ma’lumot mavjud (http://old.lex.uz/docs/2391972).  1993-yildagi 8-mart bayrami arafasida bir guruh ayollarni mukofotlashga oid Prezident Farmonida (http://old.lex.uz/docs/2385674)  esa O‘zbekiston Respublikasi Xotin-qizlar qo‘mitasi nomi tilga olinadi. Bu esa qo‘mita uzoq yillar davomida faoliyat yuritib kelganini anglatadi.)

2-bosqich:

1995-yilda Xotin-qizlar qo‘mitasi raisi bir vaqtning o‘zida bosh vazirga o‘rinbosar bo‘lishi belgilangan (http://old.lex.uz/docs/181343).  Joylarda esa qo‘mitaning hududiy bo‘limlari raislari hokimlarga o‘rinbosar bo‘lgan.

1994-yildan 2004-yilgacha Dilbar G‘ulomova rahbarlik qilgan.

3-bosqich:

2004-yil 25-maydagi “O‘zbekiston xotin-qizlar qo‘mitasi faoliyatini qo‘llab-quvvatlash borasidagi qo‘shimcha chora-tadbirlar to‘g‘risida”gi №34-34 -sonli Prezident Farmonida (https://lex.uz/docs/-214651)  Xotin-qizlar qo‘mitasining ishchi apparati tuzilmasi xarajatlari byudjet hisobidan ta’minlanishi belgilanadi.

Ushbu Farmon amalda bo‘lgan 2004-yildan 2018-yilgacha bo‘lgan davrda Svetlana Inomova, Farida Akbarova, Elmira Bositxonova, Tanzila Norboeva tizimda rahbarlik qilishgan.

4-bosqich:

Prezidentning 2018-yil 2 fevraldagi PF-5325-son Farmoniga asosan Xotin-qizlar qo‘mitasi faoliyati yangi bosqichga ko‘tarildi.

Tuzilmaviy jihatdan yanada mustahkamlandi.

2017-2019 yil iyun oyiga qadar Tanzila Norboeva, 2019-yil iyundan 2020-yil fevral oyigacha Elmira Bositxonova tizimga rahbarlik qildi.

5-bosqich:

2020-yilda Xotin-qizlar qo‘mitasi tugatildi va tegishli Farmon (https://lex.uz/uz/docs/4740345)  bilan Mahalla va oilani qo‘llab-quvvatlash vazirligi tashkil etildi.

6-bosqich:

2022-yil 1-mart kuni (https://lex.uz/ru/docs/5884143) O‘zbekiston Respublikasi Prezidenti Farmoni asosida O‘zbekiston Respublikasi Oila va xotin-qizlar davlat qo‘mitasi tashkil etildi.

Ushbu Farmon asosida O‘zbekiston Respublikasining Bosh Vaziri o‘rinbosari – Oila va xotin-qizlar davlat qo‘mitasi raisi, Qoraqalpog‘iston Respublikasi Vazirlar Kengashi Raisi o‘rinbosari - Oila va xotin-qizlar qo‘mitasi raisi, viloyatlar va Toshkent shahar hokim o‘rinbosarlari - oila va xotin-qizlar boshqarmalari boshliqlari lavozimlari, tuman (shahar) hokim o‘rinbosarlari - oila va xotin-qizlar bo‘limlari boshliqlari lavozimlari joriy etilib, qo‘mita faoliyatida boshqaruv tizimi takomillashtirildi. Shuningdek, qo‘mitaning hududiy bo‘linmalariga alohida shtat birliklari ajratildi.

2022-yil 1-martdan 30-dekabrga qadar Zulaxo Maxkamova O‘zbekiston Respublikasining Bosh Vaziri o‘rinbosari – Oila va xotin-qizlar davlat qo‘mitasi raisi sifatida rahbarlik qildi.

7-bosqich:

2022 yil 21-dekabr kuni (https://lex.uz/uz/docs/6324756) O‘zbekiston Respublikasi Prezidenti Farmoni asosida Oila va xotin-qizlar qo‘mitasi sifatida Kambag‘allikni qisqartirish va bandlik vazirligi bo‘ysinuviga o‘tkazildi.

8-bosqich:

2023 yil 21-dekabr kuni (https://lex.uz/docs/6704824) O‘zbekiston Respublikasi Prezidenti Farmoni asosida Oila va xotin-qizlar qo‘mitasi bo‘ysunuvi Kambag‘allikni qisqartirish va bandlik vazirligidan Vazirlar Mahkamasiga o‘tkazildi.

2024-yil 21-noyabrdan Qo‘mitaga Bosh vazir o‘rinbosari Zulayho Mahkamova rahbarlik qilib kelmoqda.