O‘zbekiston Respublikasi Oila va xotin-qizlar qo‘mitasi

Marosimda Bosh vazir o‘rinbosari - Oila va xotin-qizlar qo‘mitasi raisi Zulayho Maxkamova ishtirok etdi. U ayollar sog‘lomlashtirish markazining ochilishi xotin-qizlarning sog‘lom hayot tarzini shakllantirishga qaratilgan keng ko‘lamli ishlar yo‘lida muhim qadam ekanligini taʼkidladi.

Shuningdek, “Leyla-sport” markazi faoliyati ayollar o‘rtasida sportni keng targ‘ib qilish, ularning jismoniy faolligini oshirish va ijtimoiy faolliklarini kuchaytirishda samarali maydoncha bo‘lib xizmat qilishi haqida so‘zladi. Marosim davomida u mahalla ahli va ayollar bilan muloqot olib borib, sport orqali sog‘lom hayotni ommalashtirish borasida fikr almashdi hamda qo‘llab-quvvatlashni davom ettirishga tayyorligini bildirdi.

Ushbu markazda ayollarga mo‘ljallangan turli sport mashg‘ulotlari, sog‘lomlashtirish treninglari va ruhiy rivojlanishga qaratilgan dasturlar tashkil etilishi rejalashtirilgan bo‘lib, bu hududdagi ayollar uchun yangi imkoniyatlar eshigini ochadi.