“Qishloq ayollarining iqtisodiy imkoniyatlarini kengaytirish” mavzusida bo‘lib o‘tgan xalqaro konferensiyada Bosh vazir o‘rinbosari – Oila va xotin-qizlar qo‘mitasi raisi Zulayho Mahkamova maʼruza qildi.
2025-04-10 17:35:00 / Yangiliklar
Jahon Banki tahlillariga ko‘ra, O‘zbekiston oxirgi yillarda gender tengligiga erishish islohotlari bilan katta muvaffaqiyatga erishgan dunyoning besh mamlakati qatoridan o‘rin oldi.
“Bir million dasturchi” loyihasi amaliyotga joriy etilib, axborot texnologiyalari sohasida xotin-qizlarning ishtiroki yildan-yilga ortib bormoqda.
Xotin-qizlarning iqtisodiy sektordagi ulushini oshirish bo‘yicha yirik, strategik loyihalar amalga oshirilmoqda.
Xotin-qizlarni daromad topishga o‘rgatish, tadbirkorligini yo‘lga qo‘yish, biznesini rivojlantirishga oid O‘zbekiston Respublikasi Prezidenti, Hukumat qarorlari qabul qilindi.
Soliq, bojxona sohasida imtiyozlar yirik korxonalar egalari bo‘lgan tadbirkor xotin-qizlar bizneslarini kengaytirish uchun imkoniyatlar yaratdi.
Bu borada biznesni rivojlantirish banki tashkil etilishi, tadbirkor ayollarning biznesini qo‘llab-quvvatlashda ilmiy asos va imtiyozli moliyalashtirish imkoniyatlarini yaratdi.
Tadbirkorlik, daromad topishga qaratilgan muayyan mehnat faoliyati bilan shug‘ullanish va faoliyat turini kengaytirish istagini bildirgan xotin-qizlarni qo‘llab-quvvatlash dasturi tasdiqlanib, amalga oshirilmoqda.
Tijorat banklari tomonidan ayollarni qo‘llab-quvvatlash maqsadida 250 dan ortiq loyihalar joriy etildi va oilalar iqtisodiyotini barqarorlashtirish va biznesini rivojlantirishga ko‘maklashilmoqda.
Oila va xotin-qizlar qo‘mitasining tavsiyalari asosida xotin-qizlarga imtiyozli kredit va subsidiyalarning ajratilishi natijasida tadbirkorlarning 40 foizidan ortig‘ini xotin-qizlar tashkil etmoqda.
Xotin-qizlarning kasb-hunar va tadbirkorlik o‘qitish davlat tomonidan moliyalashtirilmoqda.
Har yili 300 mingga yaqin xotin-qizlar mehnat bozorida talab yuqori bo‘lgan kasb-hunarga va tadbirkorlikka o‘qitilmoqda.
“HAMROH” tadbirkor ayollarni qo‘llab-quvvatlash dasturi joriy etildi.
Unga ko‘ra, xotin-qizlarga «yashil loyihalar» va IT sohasidagi loyihalarni amalga oshirish yo‘lga qo‘yiladi hamda ijobiy kredit tarixiga ega bo‘lgan xotin-qizlarga 100 mln so‘mgacha garovsiz kredit ajratiladi.
Xotin-qizlarni tadbirkorlik faoliyatiga jalb qilish va qo‘llab-quvvatlash maqsadida «Biznesga ilk qadam», «Biznesni yo‘lga qo‘yish», «Biznesni kengaytirish», «Biznesni yuksaltirish» yo‘nalishlarida ayollar tadbirkorligini rivojlantirishning yaxlit tizimi joriy etilmoqda.