O‘zbekiston Respublikasi Oila va xotin-qizlar qo‘mitasi

- Oila va xotin-qizlar qoʻmitasining korrupsiyaga qarshi kurashish boʻyicha SIYOSATI;

- qoʻmita tizimida manfaatlar toʻqnashuvini boshqarish boʻyicha NIZOM;

- ishga qabul qilinayotgan nomzodlarni tekshirish boʻyicha YOʻRIQNOMA;

- korrupsiyaga qarshi kurashish sohasida oʻqitishni tashkil etish boʻyicha YOʻRIQNOMA va hakozo.

Qoʻmitaning 15.07.2024yildagi “Oila va xotin-qizlar qoʻmitasi tizimida xodimlarning odob-axloq qoidalarini tasdiqlash va odob-axloq komissiyasi faoliyatini takomillashtirish toʻgʻrisida”gi 94-son buyrugʻiga asosan  Oila va xotin-qizlar qoʻmitasida Odob-axloq komissiyasi tarkibi (9 nafardan iborat) tashkil etildi va bugungi kunda ushbu komissiya faoliyat koʻrsatib kelmoqda.

2024 yilda jami 4 ta Qoʻmitaning ichki buyrugʻi, 11 ta ichki idoraviy hujjatlar, vazirlik va idoralardan kelib tushgan xatlar ijrosi boʻyicha 39 ta javob xatlari, Qoʻmitaning hududiy boʻlinmalariga 31 ta topshiriq xatlari, 7 ta bayonnoma va  9 ta chora-tadbirlar rejasi tayyorlandi va ijroga qaratildi.   

Oʻzbekiston Respublikasi Prezidentining 05.06.2024yildagi Oʻzbekiston Respublikasining “Manfaatlar toʻqnashuvi toʻgʻrisida” Qonun ijrosini samarali tashkil etish chora-tadbirlari toʻgʻrisida”gi PQ-210-son qarori, Oʻzbekiston  Respublikasi Vazirlar Mahkamasining 07.06.2024yildagi 12/1-1873-sonli hamda Oʻzbekiston Respublikasi Bosh prokuraturasining 28.06.2024yildagi
19/2-136180-24-sonli xati ijrosini taʼminlash maqsadida joriy yil 16-30-iyul kunlari Qoraqalpogʻiston Respublikasi, Xorazm, Navoiy, Buxoro, Qashqadaryo, Surxondaryo, Andijon, Namangan va Fargʻona viloyatlari oila va xotin-qizlar boshqarmalarida xizmat safarida boʻlib, viloyat boshqarmalari hamda tuman-shahar boʻlimlari xodimlari oʻrtasida manfaatlar toʻqnashuvi va korrupsiyaviy holatlarni oldini olish borasida amalga oshirilishi lozim boʻlgan ishlarni tashkil etish mavzularida ZOOM orqali yigʻilishlar oʻtkazilib, ularga tegishli tushuntirishlar berildi hamda amaliy-uslubiy yordam koʻrsatildi.

Qoʻmita tizimida manfaatlar toʻqnashuvi va korrupsiyaviy holatlarni oldini olish va korrupsiyaga nisbatan murosasiz munosabatni shakllantirish maqsadida Qoʻmita va uning hududiy boʻlinmalari xodimlari oʻrtasida Adliya vazirligi, Bosh prokuratura hamda Korrupsiyaga qarshi kurashish agentligi hamkorligida “Manfaatlar toʻqnashuviga oid” ishlab chiqilgan savollar boʻyicha test sinovlar olindi.

Oʻzbekiston Respublikasi Prezidentining 2021 yil
6 iyuldagi PQ-5177-sonli qarori 11-bandida, 2022 yil
1 yanvardan boshlab davlat xizmatida halollik standarti “halollik vaksinasi” tamoyili asosida davlat xizmatchilarini muntazam ravishda korrupsiyaga qarshi kurashish,  manfaatlar toʻqnashuvi va odob-axloq qoidalari boʻyicha maxsus oʻquv kurslarida oʻqitish haqida belgilangan topshiriq ijrosini, shuningdek, Oʻzbekiston Respublikasi Korrupsiyaga qarshi kurashish agentligining 2024 yil
17 apreldagi 02-07/2243-sonli xatiga asosan Oila va xotin-qizlar qoʻmitasi markaziy apparati xodimlarining
12 nafari Oʻzbekiston Respublikasi Davlat boshqaruv akademiyasida joriy yil 23-24 sentyabr kunlari maxsus oʻquv kursida oʻqitildi.

2024 yil 29 avgust kuni Oʻzbekiston Respublikasi korrupsiyaga qarshi kurashish milliy kengashi raisi T.Narbayeva raisligida oʻtkazilgan kengash majlisining 16-sonli bayonnomasi 1-bandi, 2-ilovasida ““9 Dekabr – Xalqaro korrupsiyaga qarshi kurashish kuni”ga bagʻishlangan Aksilkorrupsiya haftaligi doirasida oʻtkaziladigan tadbirlar rejasi” ijrosini taʼminlash maqsadida Oila va xotin-qizlar qoʻmitasi tizimida joriy yilning 25-oktyabrdan 25-noyabrga qadar korrupsiyaga qarshi kurashish oyligini oʻtkazish boʻyicha dastur ishlab chiqildi va hududlarda mazkur dasturdagi tadbirlar jarayonlari muntazam ravishda  Korrupsiyaga qarshi kurashish agentligining ijtimoiy tarmogʻi va Qoʻmitaning veb-saytida yoritib borilishi yoʻlga qoʻyildi.

Qoʻmita tizimi faoliyatida ochiqlik va shaffoflikni taʼminlash maqsadida Ochiqlik indeksi boʻyicha yaratilgan respublika platformasida har chorak yakunida ijtimoiy ahamiyatga ega boʻlgan maʼlumotlar, yaʼni mablagʻlarning sarf-xarajatlari, nomzodlarni ishga qabul qilish jarayoni, xizmat safarlari va boshqa maʼlumotlar yoritib boriladi.