Xalqimizni rozi qilishdek oliy maqsadga erishish uchun xotin-qizlarning qonuniy huquq va manfaatlarini taʼminlash, ularning iqtisodiy, ijtimoiy va siyosiy faolligini oshirish Yangi Oʻzbekiston taraqqiyot strategiyasining muhim yoʻnalishlaridan biriga aylandi”.

Kuni kecha boʻlib oʻtgan “Yil yakuni” tanlovi mamlakatimizda xotin-qizlarga koʻrsatilayotgan eʼtibor va eʼtirofning bir ramzidir.

 “Yil ayoli” tanlovining tuman (shahar) bosqichlarida respublika boʻyicha jami 3 091 nafar ayollar belgilangan 3 ta shart asosida ishtirok etishdi.

Tanlovning Qoraqalpogʻiston Respublikasi, viloyatlar va Toshkent shahar bosqichlarida 208 ta tuman (shahar)lardan jami 1 146 nafar ayollar belgilangan 3 ta shart asosida ishtirok etib, natijalarga koʻra ular orasidan 151 nafar xotin-qizlar tegishli nominatsiyalar boʻyicha tanlovning Respublika bosqichida ishtirok etish huquqini qoʻlga kiritdilar. Respublikada 16 nafar ishtirokchilar gʻolib boʻldilar.

Tantanali marosimda Oliy Majlis Senati raisi T.Norboyeva  mamlakatimizda xotin-qizlarni har tomonlama qoʻllab-quvvatlash, ayolni ulugʻlash borasida amalga oshirilayotgan islohotlar haqida soʻzlab, tanlov gʻoliblarini tabrikladi va kelgusi faoliyatida muvaffaqiyat tiladi.

“Yil ayoli” milliy koʻrik-tanlovining Respublika  bosqichida 12 ta nominatsiyalar sohiblariga noutbuk, diplom, statuetka va guldastalar taqdim etildi.

Nominatsiyalar gʻoliblari:

“Yilning eng vatanparvar ayoli”  - Aralova Dilnoza Amirovna (Jizzax viloyati, DXX chegara qoʻshinlari 9113 harbiy qism harbiy xizmatchisi);

“Yilning eng faol olima ayoli”  - Muxtorova Aziza Erkinovna (Toshkent shahri Nizomiy nomidagi Toshkent davlat pedagogika universiteti rektor maslahatchisi, psixologiya fanlari doktori, professor);

“Yilning eng ilgʻor tadbirkor ayoli” - Nasriddinova Shoxida Taufikovna (Toshkent shahri, “MILK FOODS TRADE” MCHJ direktori);

“Yilning eng yaxshi ijodkor ayoli” - Sultanova Dilshoda Namazovna (Samarqand viloyati, Samarqand davlat Arxitektura va qurilish universiteti “Tasviriy sanʼat” kafedrasi professori)

“Oʻz kasbining ustasi boʻlgan yil ayoli” - Volinskova Nadejda Vladimirovna (Toshkent viloyati, Olmaliq “Ammofos-Maxsam” AJ bosh texnologi);

“Yilning eng kuchli maʼnaviy-maʼrifiy targʻibotchisi” - Kenjayeva Sayyora Sayfudinovna (Navoiy viloyati, Navbahor tumani Maktabgacha va maktab taʼlimi boʻlimi bosh mutaxassisi);

“Yilning eng yaxshi uy bekasi” -  Xoshimova Faridaxon Toxirjonovna (Andijon viloyati, uy bekasi);

“Yilning eng jonkuyar ustozi” - Xaydarova Sojida Tuxtayevna (Qashqadaryo viloyati, Qarshi shahar Maktabgacha va maktab taʼlimi boshqarmasi Taʼlim tashkilotlarida tarbiyaviy ishlarni muvofiqlashtirish shoʻbasi metodisti)

“Yilning eng faol sogʻlom turmush tarzi targʻibotchisi” -   Rajabova Mamlakat Ikromovna (Buxoro viloyati, Romitan tibbiyot birlashmasi bosh hamshirasi);

“Yilning eng yangi gʻoyalar tashabbuskori”  -  Egamova Saodatxon Abdumalikovna (Namangan viloyati, Uychi tumani MMTBga qarashli 23-sonli maktab qoshidagi “Namangan qalqon maxsus guruh” NTM direktori)

“Yilning eng yaxshi chilangar ayoli” - Mullayeva Parvina Vorisovna (Sirdaryo viloyati “Oʻzbekgidroenergo” aksiyadorlik jamiyati “Farxod gidro elektrostansiyasi” filiali elektrmashinalar sexi gidroturbina qurilmalarini taʼmirlovchi chilangar )

“Eng faol yashil makon targʻibotchisi” -  Nasirdinova Nodiraxon Abdugapparovnalar (Andijon viloyati, “Gullar va landshaft” MCHJ rahbari) taqdirlandi.

“Yil ayoli” milliy tanlovi gʻoliblari:

Oliy sovrin  Gran-pri sohibi - Palvanova Nigora Bekbergenovna (Qoraqalpogʻiston Respublikasi, Olimpia va milliy sport turlari boʻyicha Nukus oliy mahorat maktabi murabbiy oʻqituvchisi) Prezident sovgʻasi“CHEVROLET ONIX” avtomobili, diplom, statuetka va guldasta;

1-oʻrin  - Masharipova Manzura Karimovna (Xorazm viloyati Gurlan tuman 36-son maktabgacha taʼlim muassasasi mudirasi, “Gurlan eksport” masʼuliyati cheklangan jamiyati rahbari) BHMning 50 baravari, diplom, statuetka va guldasta;

2-oʻrin - Xayrullayeva Zebiniso Zikireevna (Fargʻona viloyati, Fargʻona shahar “Tantana tekstil” masʼuliyati cheklangan jamiyati rahbari) BHMning 40 baravari, diplom, statuetka va guldasta;

3-oʻrin - Eshimova Oʻraltosh Jumayevna (Surxondaryo viloyati IIB Jamoat xavfsizligi xizmati Huquqbuzarliklar profilaktikasi boshqarmasi boshligʻi oʻrinbosari, xotin-qizlar va ijtimoiy masalalar boʻlimi boshligʻi, podpolkovnik) BHMning 30 baravari, diplom, statuetka va guldasta bilan taqdirlandi.

Tadbirda Oliy Majlis Senati raisi T.Norboyeva, Bosh vazir oʻrinbosari – Oila va xotin-qizlar qoʻmitasi raisi Z.Mahkamova, Oliy Majlis palatalari vakillari, vazirlik va idoralar rahbarlari, nodavlat, notijorat tashkilotlari vakillari, keng jamoatchilikdan iboratdan 700 nafardan ortiq mehmonlar ishtirok etdi.

Ularning 140 nafarini hududlarda ortiq  yil davomida oila institutini mustahkamlash, xotin-qizlarni qoʻllab-quvvatlash borasida faol ish olib borgan turli sohalar masʼullari, mehnat faxriylari tashkil etdi. Tadbirda shuningdek, 10 dan ortiq OAV vakillari ishtirok etdi.

   Oila va xotin-qizlar qoʻmitasi Axborot xizmati