O‘zbekiston Respublikasi Oila va xotin-qizlar qo‘mitasi

         Tanlov Oʻzbekiston Respublikasi Prezidentining 2026-yil 16-fevraldagi “Mahallani rivojlantirish va jamiyatni yuksaltirish yilida ustuvor yoʻnalishlar boʻyicha islohotlar dasturlari va “Oʻzbekiston – 2030” strategiyasini amalga oshirish boʻyicha davlat dasturi toʻgʻrisida”gi PF–22-son Farmoni ijrosini taʼminlash maqsadida tashkil etilmoqda.

         Festival va koʻrik tanlov quyidagi tashkilotlar hamkorligida oʻtkaziladi:

Oʻzbekiston Respublikasi “Hunarmand” uyushmasi;

Oʻzbekiston Respublikasi Oila va xotin-qizlar qoʻmitasi;

Oʻzbekiston Respublikasi Turizm qoʻmitasi;

“Oʻzbekipaksanoat” uyushmasi;

“Amaliy sanʼat” birlashmasi;

Qashqadaryo viloyati hokimligi;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari.

Tanlovning maqsadi:

milliy kashtachilik va ipakchilik sanʼatini asrash, rivojlantirish va keng targʻib etish;

milliy hunarmandchilik anʼanalarini qoʻllab-quvvatlash hamda ularni yosh avlodga yetkazish;

xotin-qizlarning bandligini taʼminlash, tadbirkorlik koʻnikmalarini rivojlantirish va daromad manbalarini kengaytirish;

kashtachilik, ipak mato va mahsulotlari   tayyorlash sohasida faoliyat yuritayotgan hunarmand va tadbirkorlarning ijodiy ishlarini keng jamoatchilikka namoyish etish;

milliy kashtachilik va ipak mahsulotlarini xalqaro bozorlarda targʻib qilish va eksport salohiyatini oshirish.

Tanlov quyidagi nominatsiyalar boʻyicha oʻtkaziladi:

• “Eng yaxshi kashtadoʻz”
• “Eng mohir yosh kashtadoʻz”
•  “Ipak-kashta mahsulotini eng koʻp eksport qilgan tadbirkor”
•  “Turizm uchun eng jozibador ipak-kashta mahsuloti”
•  “Eng mashhur milliy brend yaratgan kashtadoʻz”
•  “Xotin-qizlar bandligini taʼminlagan eng faol kashtadoʻz”

Tanlovda quyidagi talablardan kamida biriga javob beradigan kashtachi, dizayner va hunarmandlar ishtirok etishi mumkin:

• kamida 20 nafar shogirdini doimiy yoki kasanachilik asosida ish bilan taʼminlagan usta-hunarmandlar;
• milliy brendi respublika va xalqaro miqyosda tan olingan dizayner va kashtachilar;
• kashtachilik va ipak mahsulotlarini ichki hamda tashqi bozorlarga chiqarish yoʻlga qoʻyilgan tadbirkorlar.

Joriy yil 11-avgustgacha  Hunarmand” uyushmasining Qoraqalpogʻiston Respublikasi, viloyatlar va Toshkent shahri boshqarmalarida  Respublika bosqichida qatnashadigan ishtirokchilar roʻyxati shakllantirilmoqda.

Tanlovning Respublika bosqichi 2026-yil 13–15-avgust kunlari Qashqadaryo viloyatining Shahrisabz shahrida boʻlib oʻtadi.

Respublika bosqichi doirasida:

• kashtachilik va ipak matolari sanʼatiga bagʻishlangan koʻrgazma;
• “Anʼanaviy kashtachilik va ipak matolari sanʼatini rivojlantirish istiqbollari” mavzusida forum;
• tanlov gʻoliblarini taqdirlash marosimi;
• madaniy-maʼrifiy tadbirlar tashkil etiladi.

Gʻoliblarni taqdirlash:

Har bir nominatsiya boʻyicha:
 1-oʻrin — 5 000 000 soʻm
 2-oʻrin — 3 000 000 soʻm
 3-oʻrin — 2 000 000 soʻm    miqdorida pul mukofotlari hamda esdalik sovgʻalari bilan taqdirlanadi.

Barcha hunarmand,  kashtachi, dizayner   xotin-qizlarni “Ipak kashta jilosi” respublika koʻrik-tanlovida faol ishtirok etishga taklif etamiz!

Maʼlumot uchun:
Ishtirok etish istagida boʻlganlar hududlardagi “Hunarmand” uyushmasi boshqarmalariga murojaat qilishlari mumkin.
Murojat uchun telefon:  71 202 10 75

Tanlov nizomi

Tashkiliy qoʻmita