O‘zbekiston Respublikasi Oila va xotin-qizlar qo‘mitasi

Imtiyozli kvota (500 ta) faqat to‘lov-kontrakt asosida ajratilgan. Mazkur tavsiyanoma grantga kirish huquqini bermaydi.

Ushbu tavsiyanoma barcha ta’lim shakllari uchun taalluqli. Tavsiyanomaga ega xotin-qizlar kunduzgi, sirtqi, kechki yoki masofaviyni tanlash mumkin.

Byerilgan tavsiyanoma to‘g‘ridan to‘g‘ri o‘qishga kirish imkonini bermaydi. Buning uchun tavsiyanomaga ega xotin-qizlar to‘plash mumkin bo‘lgan eng yuqori ballning 30 foizini va undan kam bo‘lmagan ballni to‘plagan bo‘lishi kerak.

Ko‘pchilik tavsiyanoma olgan xotin-qizlar tavsiyanomaga qancha ball qo‘shiladi? degan savollar bilan murojaat qilmoqda. Unutmang, tavsiyanomaga hech qanday qo‘shimcha ball qo‘shib berilmaydi!

Tavsiyanoma olgan xotin-qizlar uchun imtiyozli 500 ta kvota faqat BIRINCHI yo‘nalishga amal qiladi. Ikkinchi va undan keyingi yo‘nalishlar uchun kvota amal qilmaydi.

Imtiyozli kvota yo‘nalishlar kesimida emas, OTMlar kesimida berilgan. Bu nima degani?

Masalan, Toshkent davlat texnika universitetida 5-yil staji bor xotin-qizlar uchun 8 ta kvota ajratilgan deylik.  Tavsiyanomaga ega 25 nafar xotin-qizlar Toshkent davlat texnika universitetini birinchi yo‘nalish sifatida tanladi.

 Ular turli yo‘nalishlarni tanlashgan, kimdir energetika, kimdir neft-texnologiya, kimdir iqtisodiyot va h.k.

Eng avval o‘sha 25 nafar tavsiyanomaga ega abituriyent xotin-qizlar o‘zi to‘plagan balli bo‘yicha barcha abituriyentlar qatori umumiy tanlovda qatnashadi. Agar o‘zining bali tanlagan beshta yo‘nalishidan qaysidir biriga kirishga yetsa, unda o‘sha yerda o‘qiyveradi, ularga tavsiyanoma qo‘llanmaydi.

Misol uchun tavsiyanomaga ega 25 nafar xotin-qizdan
12 nafari o‘z kuchi bilan o‘qishga kirib ketdi, deylik.

Yiqilgan 13nafar xotin-qizlar orasida esa, tanlagan yo‘nalishidan qat’i nazar, alohida yana tanlov bo‘ladi. Bunda to‘plagan ballar orasidagi eng yuqori ball olgan 8 nafar tavsiyanomaga ega xotin-qiz o‘zi tanlagan birinchi yo‘nalishga kontrakt asosida qo‘shimcha kvotaga o‘qishga kiradi.