O‘zbekiston Respublikasi Oila va xotin-qizlar qo‘mitasi

Mazkur forum ikki davlat xotin-qizlari o‘rtasidagi iqtisodiy, huquqiy, tibbiy hamda tadbirkorlik sohalaridagi hamkorlikni kengaytirish, o‘zaro tajriba almashish va yangi sheriklik aloqalarini yo‘lga qo‘yish uchun muhim platforma vazifasini o‘tadi. Forum doirasida O‘zbekiston tomoni hamda Xitoyning Shensi provinsiyasidagi qator yetakchi tashkilot va kompaniyalar bilan hamkorlik memorandumlari imzolandi.
Xususan:
— Shensi provinsiyasi Ayol tadbirkorlar assotsiatsiyasi prezidenti hamda “Shaanxi Zhuyuan Jiahe” xolding guruhi boshqaruvi raisi Chjou Suqin bilan tadbirkorlik va investitsiya yo‘nalishlarida hamkorlikni rivojlantirish;— Shensi provinsiyasi Ayol yuristlar assotsiatsiyasi prezidenti hamda “Beijing Haotian (Xi’an)” yuridik firmasi direktori Lyu Sze bilan xotin-qizlarning huquqiy savodxonligini oshirish va yuridik hamkorlikni mustahkamlash;
— Shensi provinsiyasi Ayol tadbirkorlar assotsiatsiyasi vitse-prezidenti hamda “Xi’an Fangshangren Halal Catering Co., Ltd.” kompaniyasi bosh direktori Lyu Siyan bilan xizmat ko‘rsatish va gastronomiya sohasida hamkorlikni kengaytirish;
— “Xi’an International Medical Investment Co., Ltd.” kompaniyasi boshqaruvi raisi Shi Szin bilan tibbiyot va sog‘liqni saqlash yo‘nalishida tajriba almashish;
— “Shaanxi Xianxi Moringa Fucha Co., Ltd.” kompaniyasi boshqaruvi raisi Chjou Xayin bilan ekologik va sog‘lom oziq-ovqat mahsulotlari ishlab chiqarish bo‘yicha hamkorlikni yo‘lga qo‘yish bo'yicha memorandumlar imzolandi.

Mazkur memorandumlar O‘zbekiston va Xitoy xotin-qizlari o‘rtasidagi amaliy hamkorlikni yangi bosqichga olib chiqish, qo‘shma loyihalarni amalga oshirish hamda xotin-qizlarning iqtisodiy faolligini oshirishga xizmat qilishi bilan ahamiyatlidir.