O‘zbekiston Respublikasi Oila va xotin-qizlar qo‘mitasi

Assalomu alaykum!

Oʻzbekiston Respublikasi Prezidentining 2026 yil 3 martdagi “Ayollar va bolalar huquqlarining himoyasini kuchaytirish hamda ularga nisbatan tazyiq va zoʻravonlik holatlarining oldini olish boʻyicha qoʻshimcha tashkiliy-huquqiy choralar toʻgʻrisida”gi PF-33-son Farmoni  xotin-qizlar va bolalar huquqlarini taʼminlashning yangi bosqichi boʻldi.

Farmon Yangi Oʻzbekistonning inson qadrini ulugʻlash siyosati, ayniqsa ayol va bola huquqlarini himoya qilish borasidagi qatʼiy pozitsiyasini yana bir bor aks ettiradi.

Farmon yoshlarning oʻz hayot yoʻlini ongli ravishda belgilashiga koʻmaklashish, erta nikohning oldini olish, moliyaviy mustaqil va oilaga tayyor yoshlar oʻrtasidagi nikoh rishtasini ragʻbatlantirish, pirovardida nikoh shartnomasini qoʻllab-quvvatlash orqali oilaning mustahkam huquqiy poydevorini yaratish, farzandlar tarbiyasida ota-onalarning masʼuliyatini oshirish, maishiy zoʻravonlik holatlarini keskin kamaytirish, zoʻravonlikning u yoki bu koʻrinishidan jabrlangan shaxslarni qoʻllab-quvvatlash tizimini joriy etish — umuman, sohaning eng ogʻriqli nuqtalariga bevosita qaratilgani bilan ahamiyatli.

Oila va xotin-qizlar qoʻmitasi huzurida doimiy faoliyat yurituvchi Respublika Ishchi guruhi hamda uning mazmun-mohiyatini tushuntirish boʻyicha Targʻibot guruhi tashkil etildi.

Ishchi guruhining tarkibida tegishli vazirlik va idoralarning masʼul xodimlari jalb etildi. Hududlar va tuman (shahar)lar uchun namunaviy tarkib taqdim etildi va shu asosda Farmonda belgilangan vazifalarning ijrosini toʻliq hajmda bajarilishini taʼminlash maqsadida chora-tadbirlarni amalga oshirilmoqda.

Targʻibot guruhlari “mahalla-tuman-hudud-respublika” vertikal tamoyili asosida faoliyati yoʻlga qoʻyildi.

Bunda Respublika darajasida 60 nafar, Qoʻmitaning hududiy boshqarmalari huzurida 50 nafardan, 208 ta tuman (shahar) boʻlimlari qoshida 30 nafardan, 8 990 ta mahallada 4 nafardan jami
42 960 nafar Targʻibot guruhlari shakllantirildi.

Turli vazirlik va idoralarning masʼul xodimlaridan iborat Respublika Targʻibot guruhi aʼzolari Qoraqalpogʻiston Respublikasi, viloyatlar va Toshkent shahriga biriktirildi.

Farmon mazmun-mohiyatini keng va taʼsirchan targʻib qilish maqsadida 90 ga yaqin material (tezislar, 20 ta taqdimot, 23 ta flayerlar, 13 ta turli mavzuda eslatmalar, 30 ta videoroliklar)dan iborat maxsus informatsion-maʼrifiy paket ishlab chiqildi.

Targʻibot tadbirlarini muvofiqlashtirib borish maqsadida Qoʻmitada  shtab faoliyati yoʻlga qoʻyildi.

Aholi vakillari, mehnat jamoalarida ishchi-xodimlar hamda taʼlim muassasalarida oʻquvchi-talabalari uchun taʼsirchan targʻibot tadbirlari tashkil etildi.

Targʻibot ishlari ommaviy axborot vositalari va ijtimoiy tarmoqlar orqali keng yoritib borildi.

2 334 ta obyektlarda, shundan 962 ta mahallada, 658 ta tashkilot va korxonalarda, 714 ta taʼlim muassasalarida targʻibot tadbirlari tashkil etildi.

Ularda qariyb 100 ming nafar ishtirokchilar qatnashdi.

Targʻibot davomida tumanlar va shaharlardagi Oila va xotin-qizlar maskanlarida “Maishiy zoʻravonliksiz baxtli oilaviy hayotga tayyorlash” maxsus kurslarida oʻquv mashgʻulotlari oʻtkazildi.

Aholi vakillari oʻtkazilgan suhbat jarayonida mazkur farmon ayollar va bolalar huquqlarini himoya qilish borasidagi tarixiy hujjat boʻlganligini alohida eʼtirof etdi.

Respublika targʻibot guruhi tomonidan hududlardagi targʻibotchilarga onlayn va oflayn tartibda uslubiy koʻmak va oʻquvlar tashkil etib boriladi.

Har oyda bir marotaba joyga chiqqan holda amaliy ishlar natijadorligi tahlil etiladi, tazyiq va zoʻravonlikka uchragan ayollar va bolalar bilan suhbatlar oʻtkaziladi.

Targʻibot tadbirlari korxona, tashkilot va muassasalarda tizimli davom ettiriladi.

Eʼtiboringiz uchun rahmat!