15-may Xalqaro oila kuni munosabati bilan “Milliy o‘yinlar” festivali bo‘yicha o‘tkaziladi
2026-04-10 18:00:00 / Yangiliklar
15-may Xalqaro oila kuni munosabati bilan “Milliy qadriyatlarga ehtirom koʻrsatishni oiladan boshlaymiz!” shiori ostida “Milliy oʻyinlar” festivali o’tkaziladi. Shu munosabat bilan Oila va xotin-qizlar qo‘mitasi raisi o‘rinbosari Mukarram Nurmatova boshchiligida ishchi guruh yig‘ilish bo‘lib o‘tdi.
Unda Sport vazirligi, Madaniyat vazirligi, Maktabgacha va maktab ta’limi vazirligi hamda Respublika Ma’naviyat va ma’rifat markazi vakillari иштирок etdi. Yig‘ilishda Xalqaro oila kuni munosabati bilan “Milliy qadriyatlarga ehtirom ko‘rsatishni oiladan boshlaymiz!” shiori ostida o‘tkazilishi rejalashtirilayotgan “Milliy o‘yinlar” festivaliga tayyorgarlik masalalari ko‘rib chiqildi. Suhbat davomida tadbirni mazmunli, xalqchil ruhda va yuqori saviyada tashkil etish, milliy o‘yinlar hamda qadriyatlarni keng targ‘ib qilish yuzasidan fikr almashildi.