Ayollar va bolalar huquqlarini ta'minlashga oid davra suhbati
2026-03-19 16:10:00 / Yangiliklar
Unda, Oʻzbekiston Respublikasi Prezidentining 2026-yil 3-martdagi PF-33-sonli Farmoni — ayollar va bolalar huquqlarini himoya qilish, ularni har qanday tazyiq va zoʻravonlikdan asrash hamda jamiyatda sogʻlom ijtimoiy muhitni shakllantirishga qaratilgan muhim tashabbuslar to'g'risida fikr yuritidi. Mazkur hujjatda, ayniqsa, xotin-qizlar va voyaga yetmaganlarning huquqiy himoyasini kuchaytirish, zoʻravonlik holatlarining oldini olish, muammoli oilalar bilan tizimli ishlash va profilaktika choralarini yanada takomillashtirish masalalariga alohida e’tibor qaratilgan.
Ushbu Farmon mazmun-mohiyatini keng jamoatchilikka yetkazish, uning ijrosini samarali tashkil etish hamda aholining huquqiy ongi va madaniyatini oshirish maqsadida mahalla xotin-qizlar faollari ishtirokida davra suhbati tashkil etildi.
Tadbir davomida Farmonda belgilangan asosiy vazifalar, jumladan, ayollar va bolalarga nisbatan zoʻravonlikning barcha shakllariga nisbatan murosasiz munosabatni shakllantirish, jabrlanganlarni ijtimoiy, huquqiy va psixologik qoʻllab-quvvatlash mexanizmlarini kuchaytirish, shuningdek, bu borada mahalla institutining oʻrni va mas’uliyatini oshirish masalalari batafsil muhokama qilindi.