O‘zbekiston Respublikasi Oila va xotin-qizlar qo‘mitasi

Fuqarolar tomonidan, asosan, ish bilan ta’minlash, uy-joy hamda farzandlarini ishga joylashtirish masalalari yuzasidan murojaatlar bildirildi. Har bir murojaat atroflicha o‘rganilib, masalalarning mohiyatidan kelib chiqqan holda ularni manzilli hal etish bo‘yicha tegishli mutasaddilarga topshiriqlar berildi.

Ta’kidlash joiz, joriy yilning 13-mart sanasida Prezident Shavkat Mirziyoyev raisligida aholi murojaatlari bilan ishlash tizimini takomillashtirish, Xalq qabulxonalari faoliyatini yangi bosqichga olib chiqish va jamoatchilik fikrini chuqur tahlil qilish masalalariga bag‘ishlangan videoselektor yig‘ilishi bo‘lib o‘tdi. Unda aholi murojaatlari bilan ishlashda har bir rahbar faoliyatining bosh mezoni “Har bir inson va xonadon muammosini bilib, vaqtida ko‘mak berishim kerak” degan tamoyil bo‘lishi shartligi alohida ta’kidlandi.

Shuningdek, yig‘ilishda sayyor va shaxsiy qabullarni yuzaki tashkil etish, murojaatlarga o‘z vaqtida yechim bermaslik holatlari keskin tanqid qilinib, har bir murojaatni nafaqat ko‘rib chiqish, balki uning kelib chiqish sabablarini chuqur tahlil etish zarurligi qayd etildi. Bu esa bugungi kunda tashkil etilayotgan qabullar samaradorligini oshirish, fuqarolarni o‘ylantirayotgan muammolarga amaliy yechim topish hamda odamlar roziligini ta’minlashda muhim ahamiyat kasb etadi.

Mazkur qabul ham ana shu ustuvor vazifalar ijrosi doirasida tashkil etilib, xotin-qizlar murojaatlari bilan ishlashda manzillilik, mas’uliyat va amaliy natijadorlikni ta’minlashga qaratilgani bilan ahamiyatlidir.