Marg‘ilon shahrida iqtidorli, iste’dodli yoshlar bilan uchrashuv o‘tkazildi
2026-02-26 17:40:00 / Yangiliklar
📝Joriy yilning 24-fevral “Ko‘ksaroy” qarorgohida Prezident Shavkat Mirziyoyevning yoshlar bilan bo‘lib o‘tgan muloqotida mamlakatimizda har haftaning payshanba kuni vazirlik, idora va hokimliklarda “Yoshlar kuni” o‘tkazish tashabbusi ilgari surilgandi.
🔅Shu munosabat bilan Oila va xotin-qizlar qo‘mitasi raisining birinchi o‘rinbosari Umida Abdullayeva hamda viloyat hokimi o‘rinbosari Komila Kavlonovalar Marg‘ilon shahridagi Erkin Vohidov nomidagi ijod maktabi o‘quvchilari bilan uchrashuv o‘tkazdilar.
🌱Uchrashuv chog‘ida tizimning mas’ul rahbarlari maktabning ijodkor qizlari bilan yuzma-yuz muloqotda bo‘ldilar. Ularning taklif va mulohazalari hamda fikrlari bilan qiziqdilar. O‘zaro samimiyat va ko‘tarinki ruhda o‘tgan mazkur uchrashuvda qizlarning ijodlaridan namunalar tinglandi.