Bosh vazir oʻrinbosari — Oila va xotin-qizlar qoʻmitasi raisi Zulayho Maxkamova Axborotidan
2026-02-06 11:10:00 / Yangiliklar
Mamlakatimizda iqtisodiy faol 15,6 mln nafar aholining 7,7 mln nafarini ayollar tashkil etadi.
2025-yilda 2,6 mln nafar xotin-qizlarga daromadli mehnat bilan taʼminlanishiga koʻmaklashildi. 155 ming nafari investitsiya loyihalarini ishga tushirish hisobiga, 1,5 mln nafari tijorat banklari hisobiga, 851 ming nafari qishloq xoʻjaligi sohasida, 73 ming nafari qurilish sohasida.
Yil davomida 1,7 mln nafar ayollar oʻzini oʻzi band qilish faoliyat turiga jalb qilindi. Yuridik shaxslar tomonidan 3,2 mln nafar xotin-qizlarning bandligi taʼminlandi.
331 ming nafar xotin-qizlar kasb-hunar va tadbirkorlikka oʻqitildi. Shundan 159 ming nafari Kambagʻallikni qisqartirish va bandlik vazirligi, 16 ming nafari Oliy taʼlim, fan va innovatsiyalar vazirligi, 31 ming nafari Savdo-sanoat palatasi tizimida, 100 ming nafari Xotin-qizlar tadbirkorlik markazlarida, 25 ming nafari boshqa (nodavlat) taʼlim muassasalarida.
Markaziy bank bilan birgalikda homiladorlik va tugʻish taʼtilini olgan ayollar uchun bank kreditlari boʻyicha toʻlovlar muddatini 10 oygacha uzaytirish amaliyoti yoʻlga qoʻyildi.
Xotin-qizlar tadbirkorligini qoʻllab-quvvatlash maqsadida 2025-yilda 427 ming nafar xotin-qizlarga jami 23 trln 360 mlrd kreditlar ajratildi.
“Oilaviy tadbirkorlik”, “Biznesga birinchi qadam”, “Mahalla loyihasi” dasturlari doirasida jami 352 ming nafar ayollarga 8 trln 611 mlrd soʻm imtiyozli kredit mablagʻlari ajratildi.
Buning natijasida oʻtgan yilda respublikamizda tadbirkor ayollar soni 217 639 nafarni tashkil etdi.
Respublikada jami 13 541 nafar hunarmand ayollar faoliyat koʻrsatib, ulardan 6 613 nafari 2025-yilda “Hunarmand” uyushmasiga aʼzo boʻldi.
1 191 ta mahallada Xotin-qizlar bandligini taʼminlash va salomatligini mustahkamlash markazi tashkil etildi.
Xorijga ketgan va farzandlarini nazoratsiz qoldirgan xotin-qizlarni aniqlash hamda ularni Vatanga qaytarish boʻyicha Chirchiq shahri “Navbahor” mahallasida tajriba yaratildi.
Ushbu tajriba ommalashtirilib, onlayn muloqot orqali 270 mingdan ortiq migratsiyadagi xotin-qizlarning oilalari manzilli oʻrganildi.
Onlayn muloqotlar orqali xorijda kam daromad bilan qiynalib yurgan 230 mingdan ortiq ayollar vatanga qaytarildi va reintegratsiya dasturlari amalga oshirildi.
Migratsiyadagi fuqarolarning voyaga yetmagan farzanlariga belgilangan vasiy hamda homiylar bilan suhbatlar oʻtkazib borildi.
“Ayollar daftari”ga kiritilgan 1 020 981 nafar xotin-qizlarga amaliy yordam koʻrsatildi.
“Iqtisodiy mustaqillikdan ijtimoiy mustaqillik sari” mavzusi bilan oʻtkazilgan “Ayollar daftari”ning besh yillik sarhisobiga bagʻishlangan milliy anjumanlarda besh mingga yaqin xotin-qizlar ishtirok etdi. Ular ishtirokida “Yetakchi Ayollar” klubi tashkil etildi.