O‘zbekiston Respublikasi Oila va xotin-qizlar qo‘mitasi

🎯 Maqsad:

Kambagʻal oilalar reestriga kiritilgan xotin-qizlarni -

doimiy ish bilan taʼminlash;

tadbirkorlikka jalb etish;

kasb-hunar va zamonaviy yoʻnalishlarga, jumladan, AT sohasiga oʻqitish;

ijtimoiy faolligini oshirishga qaratilgan loyihalarni qoʻllab-quvvatlash.

💼 Tanlovda:

Jismoniy shaxslar hamda nodavlat notijorat tashkilotlari ishtirok etishi mumkin.

🗓 Tanlovning  oʻtkazilish tartibi:

Tanlov bir yilda bir marta, 2 bosqichda oʻtkaziladi.

1️⃣   Birinchi bosqich – mahalla bosqichi.

Ijtimoiy loyihalar 31-yanvarga qadar mahalladagi xotin-qizlar faoliga taqdim etadi.

Loyihalar “Mahalla yettiligi” tomonidan 15-fevralga qadar koʻrib chiqilib, eng yaxshi 3 ta loyiha tanlab olinadi.

2️⃣    Ikkinchi bosqich – tuman (shahar) bosqichi

Mahalladan tavsiya etilgan loyihalar 8-martga qadar tuman (shahar) komissiyasi tomonidan koʻrib chiqiladi va baholanadi.

Har bir mahalladan 1 ta loyiha gʻolib deb topiladi.

Tanlov gʻoliblari 8-mart – Xalqaro xotin-qizlar kuni arafasida eʼlon qilinadi.

Tanlov gʻoliblariga:

bazaviy hisoblash miqdorining 60 baravarigacha ijtimoiy yordamlar ajratiladi.

Ijtimoiy yordamlar:

jismoniy shaxslarga — asbob-uskuna, jihoz, xomashyo yoki xizmatlar xarid qilish orqali;

nodavlat tashkilotlarga — ish oʻrinlari yaratish, faoliyatni kengaytirish va oʻqitish xarajatlarini qoplash uchun bank hisobvaraqlariga oʻtkaziladi.

📌 Asosiy baholash mezonlari:

loyihaning dolzarbligi, bozorbopligi va daromadliligi;

kamida 3 nafar xotin-qizning bandligini taʼminlashga qaratilgani;

zaruriy resurs va tajribaning mavjudligi;

munosib mehnat sharoiti va ish haqi;

kasb-hunarga oʻqitish imkoniyati.

Ustuvor toifalar

Tanlov doirasida quyidagi toifadagi xotin-qizlarning bandligi taʼminlanishi talab etiladi:

ishsiz, ayniqsa, qishloq joylarda bola tarbiyasi bilan shugʻullanayotgan xotin-qizlar;

xorijiy mehnat migratsiyasidan qaytganlar;

nogironligi boʻlgan xotin-qizlar;

rasmiy band boʻlmagan ayollar;

odam savdosidan hamda tazyiq va zoʻravonlikdan jabr koʻrgan, ogʻir iqtisodiy ahvolga tushib qolgan xotin-qizlar;

oʻqishga kira olmagan ishsiz bitiruvchilar;

muqaddam sudlangan yoki profilaktik roʻyxatda turgan ayollar.

Quyidagi havola orqali yanada batafsil maʼlumot olish mumkin:

https://lex.uz/ru/docs/-7645251

Loyihalar mahalla xotin-qizlar faoli orqali qabul qilinadi. Tanlovda ishtirok etishni xohlovchilar oʻz mahallasidagi xotin-qizlar faoliga murojaat qilishi soʻraladi!

Qoʻshimcha savollar uchun tel: +99 891 334 37 15

✨ Aziz vatandoshlar! Agar sizda xotin-qizlar hayotini yanada yaxshilashga qaratilgan gʻoyalar boʻlsa — ushbu tanlov aynan siz uchun!

       Tashabbus koʻrsating va gʻolib boʻling!