Mahallalarning iqtisodiy salohiyati va bandlik ko‘rsatkichlari tahlil qilindi
2026-09-19 15:00:00 / Majlislar
Bugun tuman hokimligining katta majlislar zalida tuman hokimi o‘rinbosari Otabek Muqumov boshchiligida mahallalardagi iqtisodiy faollik, aholi bandligi hamda daromadlarni oshirish borasida amalga oshirilayotgan ishlar tahliliga bag‘ishlangan yig‘ilish o‘tkazildi.
Unda tumandagi barcha mahallalarning hokim yordamchilari va bankirlari, Respublika Xalq banki departamenti direktori Dilshod Ergashev hamda AT «Xalq banki» Buxoro viloyati mintaqaviy markazi rahbari o‘rinbosari Nargiza Latipova ishtirok etdi.
Yig‘ilishda mahallalar kesimida iqtisodiy ko‘rsatkichlar, aholi bandligini ta’minlash, yangi ish o‘rinlari yaratish, tadbirkorlik faoliyatini yo‘lga qo‘yish va mavjud tadbirkorlik subyektlarini kengaytirish bo‘yicha amalga oshirilayotgan ishlar atroflicha ko‘rib chiqildi.
Shuningdek, mahallalarda foydalanilmayotgan iqtisodiy imkoniyatlarni ishga solish, fuqarolarning tadbirkorlik tashabbuslarini qo‘llab-quvvatlash, imtiyozli kredit va moliyaviy xizmatlardan samarali foydalanish orqali aholi daromadlarini oshirish masalalariga alohida e’tibor qaratildi.
Mas’ullarga mahallalar bo‘yicha mavjud muammolarni manzilli o‘rganish, har bir fuqaroning bandligini ta’minlashga qaratilgan amaliy choralarni kuchaytirish hamda belgilangan vazifalar ijrosini tizimli nazorat qilish bo‘yicha tegishli topshiriqlar berildi.
Tuman hokimligi matbuot xizmati