Tinchlik — o‘z-o‘zidan ta’minlanmaydi. U doimiy e’tibor, hushyorlik va hamjihatlikni talab qiladi
2026-09-10 12:00:00 / Yangiliklar
Vobkent tumanida huquqbuzarliklarning barvaqt oldini olish, fuqarolar xavfsizligini ta’minlash hamda yoshlar o‘rtasida manzilli profilaktik ishlarni kuchaytirishga qaratilgan tadbirlar izchil davom ettirilmoqda.
Ayni kunlarda tuman hududidagi kriminogen vaziyati og‘ir mahallalarda Vobkent tumani IIB boshlig‘i rahbarligida keng qamrovli profilaktik tadbirlar tashkil etilmoqda. Tadbirlarda IIBning barcha shaxsiy tarkibi, mahalla faollari hamda hamkor tashkilotlar vakillari ishtirok etib, xonadonma-xonadon yurilmoqda. Jarayon davomida aholining murojaatlari, muammolari, ularni tashvishga solayotgan masalalar hamda turli xavf-xatarlar o‘rganilib, aniqlangan muammolarni bartaraf etish bo‘yicha tegishli choralar ko‘rilmoqda.
Shuningdek, yoshlar bilan individual suhbatlar o‘tkazilib, ularning bo‘sh vaqtini mazmunli tashkil etish, bandligini ta’minlash va turli salbiy ta’sirlardan himoya qilishga alohida e’tibor qaratilmoqda.
Zero, huquqbuzarlikning oqibatiga qarshi kurashishdan ko‘ra, uning sababini barvaqt aniqlash va oldini olish samaraliroqdir.
Tuman hokimligi axborot xizmati