Yoshlar va tadbirkorlar bilan ochiq muloqot — imkoniyatlar va yangi tashabbuslar sari muhim qadam
2026-07-23 18:16:00 / Yangiliklar
Vobkent tumani hokimligi binosida tuman hokimi Akmal Ostonovning tadbirkorlar hamda yoshlar bilan ochiq muloqoti bo‘lib o‘tdi.
Uchrashuv davomida yoshlarni tadbirkorlikka keng jalb etish, ularning bandligini ta’minlash, biznes g‘oyalarini qo‘llab-quvvatlash hamda mavjud imkoniyatlardan samarali foydalanish masalalari muhokama qilindi. Ishtirokchilarni qiziqtirgan savollarga mutasaddilar tomonidan atroflicha javoblar berildi.
Shuningdek, Xalq banki va Agrobank mutaxassislari tomonidan yoshlar uchun ajratilishi rejalashtirilayotgan imtiyozli kreditlar, ularni olish tartibi, kredit mablag‘laridan samarali foydalanish imkoniyatlari yuzasidan batafsil taqdimot o‘tkazildi.
Tadbir yakunida mehnat yarmarkasi tashkil etilib, ish izlayotgan fuqarolar va yoshlar uchun mavjud bo‘sh ish o‘rinlari hamda bandlik imkoniyatlari taqdim etildi.
Mazkur uchrashuv mahallalarda yoshlar bilan ishlash tizimini yanada takomillashtirish, ularning muammolarini joyida hal etish va tashabbuslarini qo‘llab-quvvatlashga qaratilgan tadbirlarning uzviy davomi bo‘lib, Mahallalarda yoshlar bilan ishlash masalalarini muvofiqlashtirish bo‘yicha Respublika ishchi guruhi ishtirokida hududlarda bu kabi uchrashuv va muloqotlar davom ettiriladi.
Tuman hokimligi matbuot xizmati