Jizzaxda sifatsiz qurilish mahsulotlari muomaladan qaytarilib, utilizatsiya qilindi
2026-07-29 18:50:00 / Yangiliklar
Jizzax viloyati, Paxtakor tumanida qurilish jarayonida foydalanilayotgan sifatsiz mahsulotlar aniqlanib, belgilangan tartibda muomaladan qaytarildi hamda utilizatsiya qilindi.
🏗 Aniqlanishicha, temir-beton zina va maydon mahsulotlari ishlab chiqarishga ixtisoslashgan “M U” XK (nomi o‘zgartirilgan) tomonidan yetkazib berilgan ko‘p qavatli inshoot uchun me’yoriy hujjatlar talablariga nomuvofiq bo‘lgan temir-beton zina va maydon mahsulotlari yetkazib berilgan.
🔎 Mazkur holat yuzasidan Texnik jihatdan tartibga solish sohasida nazorat inspeksiyasi tomonidan korxonada davlat nazorati o‘tkazilib, nomuvofiq mahsulotlarni muomaladan qaytarib olish hamda ularni utilizatsiya qilish bo‘yicha taqdimnoma kiritildi.
♻️ Shundan so‘ng, tadbirkorlik subyekti, nazorat organlari vakillari ishtirokida mahsulotlar belgilangan tartibda utilizatsiya qilindi.
📚 Mutaxassislar qayd etishicha, mazkur holatda “Standartlashtirish to‘g‘risida”gi Qonunning 22-moddasi, "Texnik jihatdan tartibga solish to‘g‘risida”gi Qonunning
42-moddasi talablari buzilgan.
⚖️ Aniqlangan huquqbuzarliklar yuzasidan korxona rahbariga nisbatan ma’muriy huquqbuzarlik to‘g‘risida bayonnoma rasmiylashtirilib, hujjatlar sudga yuborildi.