Ilmli ayol – jamiyat ravnaqi va kelajak bunyodkori
2026-02-13 12:20:00 / Yangiliklar
Bu sana ayollarning ilm-fan, ta’lim va jamiyat taraqqiyotidagi muhim o‘rnini e’tirof etish bilan birga, ularning ilmiy salohiyatini qo‘llab-quvvatlash zarurligini yana bir bor eslatadi.
Shu munosabat bilan Texnik jihatdan tartibga solish agentligida ma’naviy-ma’rifiy tadbir tashkil etildi. Unda mamlakatimizda xotin-qizlarni qo‘llab-quvvatlash, ilm-fan va ta’limga keng jalb etish hamda gender tengligini ta’minlash borasida amalga oshirilayotgan ishlar haqida so‘z yuritildi.
Tadbirda O'zbekiston Fanlar akademiyasi mas'ul xodimi, Zulfiya mukofoti sovrindori Gulnoza Sharafova ma’ruza qilib, ayollarning ilmiy faoliyatdagi o‘rni, yoshlarni ilmga rag‘batlantirish hamda zamonaviy bilim va ko‘nikmalar orqali jamiyat taraqqiyotiga hissa qo‘shish masalalariga alohida to‘xtaldi.
Ta’kidlanganidek, ilmli ayol — ma’rifatli oila, mustahkam jamiyat va farovon kelajak garovidir. Ayollarning ilm olish va o‘z salohiyatini ro‘yobga chiqarishi nafaqat shaxsiy muvaffaqiyat, balki jamiyat rivojining muhim omili hisoblanadi.