SHAHRISABZ SHAHAR HOKIMLIGI AXBOROT XIZMATI
 

Shahrisabz shahar hokimligi Axborot xizmati O‘zbekiston Respublikasi Prezidentining 2019-yil 27-iyundagi “Ommaviy axborot vositalari mustaqilligini ta’minlash hamda davlat organlari va tashkilotlari axborot xizmatlari faoliyatini rivojlantirish bo‘yicha qo‘shimcha chora-tadbirlar to‘g‘risida”gi PQ–4366-son qarori hamda amaldagi qonunchilik hujjatlariga muvofiq faoliyat yuritadi.

Axborot xizmatining asosiy maqsadi hokimlik faoliyatining ochiqligi va shaffofligini ta’minlash, hududda amalga oshirilayotgan islohotlar, ijtimoiy-iqtisodiy rivojlanish jarayonlari va muhim voqealar haqida jamoatchilikni xabardor qilish, shuningdek, ommaviy axborot vositalari bilan samarali hamkorlikni tashkil etishdan iborat.
 

Axborot xizmatining asosiy vazifalari
 

• Shahrisabz shahar hokimligi faoliyatiga oid rasmiy axborotlarni tayyorlash va e’lon qilish;

• davlat siyosati, amalga oshirilayotgan islohotlar va hududiy rivojlanish dasturlarining mazmun-mohiyatini jamoatchilikka yetkazish;

• ommaviy axborot vositalari vakillari, jurnalistlar va blogerlar bilan hamkorlikni tashkil etish;

• jurnalistlarning axborot so‘rovlariga qonunchilikda belgilangan tartibda javob berilishini tashkil etish;

• matbuot anjumanlari, brifinglar, intervyular va boshqa axborot tadbirlarini tashkil etish;

• hokimlikning rasmiy veb-sayti va ijtimoiy tarmoqlardagi sahifalarini axborot bilan ta’minlash;

• hokimlik faoliyatiga oid jamoatchilik fikrini o‘rganish va axborot muhitini monitoring qilish;

• jamoatchilikni qiziqtirgan dolzarb masalalar yuzasidan o‘z vakolatlari doirasida rasmiy axborotlar taqdim etish.
   

Rasmiy veb-saytga axborotlarni joylashtirish va yangilash
 

Shahrisabz shahar hokimligining rasmiy veb-saytida axborotlarni tayyorlash, joylashtirish va muntazam yangilab borish ishlari O‘zbekiston Respublikasi Prezidentining 2019-yil 27-iyundagi PQ–4366-son qarori hamda boshqa tegishli qonunchilik hujjatlari asosida amalga oshiriladi.

Axborot xizmati tomonidan hokimlik faoliyatiga oid rasmiy ma’lumotlar tayyorlanadi, tegishli tarkibiy bo‘linmalar tomonidan taqdim etilgan axborotlar veb-saytga joylashtiriladi hamda e’lon qilingan materiallar muntazam yangilab boriladi.

Rasmiy veb-saytga axborotlarni joylashtirish va yangilash ishlarini bevosita Shahrisabz shahar hokimligi Axborot xizmati rahbari Normuratov Umidjon Nematovich amalga oshiradi.
 

Axborot xizmati rahbari
 

Normuratov Umidjon Nematovich

Lavozimi: Shahrisabz shahar hokimining axborot siyosati masalalari bo‘yicha maslahatchisi — Axborot xizmati rahbari (matbuot kotibi).

Bog‘lanish uchun telefon: +998 90 998 88 16

Telegram orqali bog‘lanish: +998 98 116 88 16
 

Manzil va rasmiy axborot manbalari
 

Manzil: Qashqadaryo viloyati, Shahrisabz shahri, Ipak yo‘li ko‘chasi, 42-uy.

Rasmiy veb-sayt:

https://gov.uz/oz/shakhrisabzgov

Telegram:

https://t.me/shahrisabz_shahar_hokimligi

Facebook:

https://www.facebook.com/shahrisabzlik/

Instagram:

https://www.instagram.com/shahrisabz_shahar_matbuot/
 

Shahrisabz shahar hokimligi Axborot xizmati davlat organi va jamoatchilik o‘rtasida ochiq, tezkor va ishonchli axborot almashinuvini ta’minlash, fuqarolarning axborot olish huquqini ro‘yobga chiqarishga ko‘maklashish hamda hokimlik faoliyatining ochiqligini oshirish yo‘nalishida ish olib boradi.