Buxoro viloyati Olot tumani hokimligi

Iqtisodiyotda davlat ishtirokini qisqartirish va xususiylashtirish jarayonlarini jadallashtirish orqali investitsiyalarni keng jalb qilish uchun qulay sharoitlar yaratish maqsadida, O‘zbekiston Respublikasi Prezidentining joriy yilning 28 avgustdagi 177 sonli Farmoni bilan Davlat aktivlarini realizatsiya qilishning yangi mexanizmlari belgilangandi. Bunda, xususiylashtirish dasturi doirasida 84 ta xo‘jalik jamiyatidagi davlat ulushlari, 1242 ta ko‘chmas mulk obyekti hamda tadbirkorlik va shaharsozlik maqsadlari uchun qariyb 8 ming gektar yer uchastkalari savdoga chiqarilishi rejalashtirilgan. Shuningdek, davlat ishtirokidagi 85 ta korxona tugatiladi yoki qayta tashkil etiladi. 84 ta davlat aktivlari boshlang‘ich narxi 1 million so‘m bilan qayta auksionga chiqariladi. Savdoga chiqariladigan aktivlarning realizatsidan yil yakuniga qadar kamida 14 trillion so‘m tushum olish kutilmoqda. Davlat aktivlarini realizatsiya qilishning yangi mexanizmlari joriy etilib, ularni xarid qilish yanada qulaylashtiriladi. Jumladan: - 1242 ta ko‘chmas mulk obyekti (Buxoro viloyatidan 51 ta), 84 ta davlat aktivlari (Buxoro viloyatidan 6 ta ulush va ko’chmas mulk obyektlar) boshlang‘ich narxi 1 million so‘m bilan auksion savdolariga chiqariladi. - tadbirkorlik va shaharsozlik maqsadlari uchun 8 ming gektar (Buxoro viloyatidan 474,6 gektar) yer uchastkalari auksion savdolariga chiqariladi. - Davlat aktivni xarid qilishda avans to‘lovi 15 foiz (avval 35 foiz edi) etib belgilanadi. - Bo'lib to'lash sharti bilan olingan davlat aktivlarga foiz hisoblanmaydi (avval o‘rtacha 14 foiz ustama qo‘llanilgan). - Davlat aktiv qiymatining 35 foizini uch oyda to‘lansa 5 yilgacha, 50 foizini olti oy ichida to‘lash sharti bilan esa 7 yilgacha bo‘lib to‘lashga ruxsat etiladi. - Davlat aktiv qiymatini 6 oy ichida to‘liq to‘laganda 25 foiz miqdorida chegirma taqdim etiladi (avval bir oy ichida to‘liq to'langanda 14 foiz chegirma berilgan). - Davlat aktiv 3 oy davomida sotilmasa, narxni bosqichma-bosqich pasaytirish mexanizmi qo‘llaniladi. - Savdo o'tkazish to'grisidagi e'lon qilish muddati 30 kundan 15 kunga, takroriy savdo 10 kundan 5 kunga qisqardi. Shu bilan birga, yer uchastkalarining investitsiyaviy jozibadorligini oshirishga maqsadida yer uchastkalarini “tayyor paket” tamoyili asosida sotish mexanizmi joriy etilib, bunda muhandislik-kommunikatsiya tarmoqlariga ulanishning texnik shartlari va zarur ruxsat beruvchi hujjatlar oldindan tayyorlangan holda auksion savdolariga chiqariladi. Mazkur dastur iqtisodiyotning raqobatli tarmoqlaridagi davlat ishtirokini yanada qisqartirish, xususiy tadbirkorlikni rivojlantirish, mamlakatning investitsiyaviy jozibadorligini oshirish va davlat aktivlaridan yanada samarali foydalanishga qaratilgan. “Elektron onlayn-auksionlarni tashkil etish” AJ Buxoro viloyati hududiy vakili S.Yunusov