Buxoro viloyati Olot tumani hokimligi

Ayni kunlarda tumanimizda ta'lim sifatini yanada oshirish, o‘quvchilar uchun zamonaviy va qulay sharoitlar yaratish borasidagi ishlar izchil islohotlar davom etmoqda. Ana shunday ezgu tashabbuslardan biri "Eski Olot" mahallasida joylashgan 1-son umumta'lim maktabida amalga oshirilmoqda. Mazkur ta'mirlash ishlari doirasida maktab binosining boshlangich ta`lim uchun mo`ljallangan korpusida tashqi fasadi to‘liq yangilanib, sinf xonalari zamonaviy talablar asosida ta'mirlanmoqda. Ayniqsa, pol qoplamalarini yangilash hamda eski eshiklarni zamonaviy va sifatli eshiklarga almashtirish ishlari o‘quv maskanining ko‘rinishi va qulayligini sezilarli darajada oshiradi. Boshlang‘ich ta'lim uchun mo‘ljallangan ushbu ikki qavatli, 12 ta sinf xonasidan iborat ta'lim maskanida bugungi kunda 245 nafar o‘quvchi tahsil olmoqda. Yaratilayotgan yangi sharoitlar bolajonlarning yanada qulay, xavfsiz va zamonaviy muhitda bilim olishiga imkoniyat yaratiladi. Loyiha O‘g‘ir tumani dasturi doirasida amalga oshirilib, buning uchun jami 959 million so‘m mablag‘ yo‘naltirilgan. Qurilish-ta'mirlash ishlari "Jasurbek Hayot Qurilish Montaj" MCHJ tomonidan bajarilmoqda. Ta'limga qaratilgan bunday bunyodkorlik ishlari kelajak avlodning barkamol voyaga yetishi, zamonaviy bilim va ko‘nikmalarni egallashi uchun mustahkam poydevor yaratadi. Zero, maktablarni obod qilish — bu kelajakni bunyod etish demakdir. https://t.me/olottumani