Sharq Yulduzida tuproq harorati 19°C dan oshdi: Ekish mavsumi qizg`in pallada.
2026-03-24 10:35:00 / Yangiliklar
Bugun tuman hokimi Nargiza Nematova "Sharq Yulduzi" hududida bo‘lib, “Ko‘l Yavon” fermer xo‘jaligi dalalarida amalga oshirilayotgan tayyorgarlik ishlari bilan tanishdi. Mazkur xo‘jalik tomonidan joriy mavsumda 23 gektardan ortiq maydonda g‘o‘za yetishtirish rejalashtirilgan.
Tuman hokimi boshchiligidagi ishchi guruh dalalarda yer tayyorlash, agrotexnik tadbirlarni o‘z vaqtida va sifatli amalga oshirish hamda ekish ishlarini samarali tashkil etish masalalarini muhokama qildi. Ayniqsa, tuproqning yetarli darajada qizigani fermerlar uchun muhim omil ekani, bu esa hosildorlikka ijobiy ta’sir ko‘rsatishi alohida qayd etildi.
Mutasaddilar tomonidan ekish ishlarini belgilangan muddatlarda yakunlash, zamonaviy agrotexnologiyalarni qo‘llash va suv resurslaridan oqilona foydalanish yuzasidan tavsiyalar berildi. Shu bilan birga, fermer xo‘jaliklari rahbarlariga har bir jarayonni puxta rejalashtirish zarurligi uqtirildi.
Umuman olganda, tuproq haroratining 19°C dan oshgani hududda ekin ekish ishlarini boshlash uchun juda qulay fursat ekanini ko‘rsatmoqda.
Bu esa kelgusida mo‘l hosil olish uchun mustahkam zamin yaratadi.