Olot tumanida aholi va qishloq xo‘jaligini ro‘yxatga olish ishlari izchil davom etmoqda.
2026-02-10 17:30:00 / Aholi va qishloq xo‘jaligini ro‘yxatga olish 2026-yil
Tumanimizning barcha mahallalarida aholini va qishloq xo‘jaligini ro‘yxatga olish tadbirlari belgilangan reja asosida tizimli ravishda amalga oshirilmoqda.
Mazkur tadbirlar O‘zbekiston Respublikasi Prezidentining “O‘zbekiston Respublikasida aholi va qishloq xo‘jaligini ro‘yxatga olish tadbirini o‘tkazish to‘g‘risida”gi PF–173-son Farmoni ijrosini ta’minlash maqsadida tashkil etilgan. Ushbu jarayonda mahallalardagi “mahalla yettiligi” a’zolari faol ishtirok etib, xatlov ishlarini samarali olib bormoqda.
Ro‘yxatga olish jarayonida fuqarolarga xatlovning mazmun-mohiyati, uning ahamiyati, shuningdek, ishtirokchilarning majburiyatlari haqida batafsil tushuntirishlar bermoqda.
Ayni paytda Olot tumanida aholi va qishloq xo‘jaligini ro‘yxatga olish bo‘yicha belgilangan chora-tadbirlar izchil va tizimli ravishda davom ettirilmoqda.