O‘zbekiston Respublikasi Bosh vaziri Abdulla Aripov Belarus Respublikasi Bosh vaziri Roman Golovchenko boshchiligidagi hukumatlari  delegatsiyalari ishtirok etgan yig‘ilishda O‘zbekiston Respublikasi Prezidenti Shavkat Mirziyoyev va Belarus Respublikasi Prezidenti Aleksandr Lukashenkoning o‘zaro sa’y-harakatlari va siyosiy irodasi tufayli O‘zbekiston-Belarus ko‘p qirrali hamkorligi yangi bosqichga ko‘tarilgani ta’kidlandi.

Bugungi kunda hamkorligimizning iqtisodiy tarkibiy qismini yangi amaliy mazmun bilan to‘ldirish, investitsiya loyihalari va savdo shartnomalarining o‘z vaqtida amalga oshirilishini ta’minlash ikki mamlakat hukumatlari zimmasidagi asosiy vazifa ekani qayd etildi.

O‘zaro tovar ayirboshlash ko‘rsatkichi o‘sib bormoqda. Shu bilan birga, bozorlarimizda talab yuqori mahsulotlarni o‘zaro yetkazib berishni kengaytirish hisobiga uning hajmini bir necha barobar oshirish uchun hali foydalanilmagan salmoqli imkoniyatlar mavjud.

Tovar ayirboshlash hajmini yana-da oshirish bo‘yicha hamkorlikda chora-tadbirlar ko‘rishga e’tibor qaratildi.

Bunda erishilgan kelishuvlarning sifatli va o‘z vaqtida bajarilishini ta’minlash muhim ahamiyat kasb etadi.

2019-yildan buyon O‘zbekistonda Belarus kapitali ishtirokidagi korxonalar soni to‘rt baravar ko‘paydi.

Yig‘ilishda, shuningdek sanoat kooperatsiyasini yana-da rivojlantirish, hududlararo hamkorlik salohiyatini mustahkamlash, madaniy-gumanitar almashinuvlar ko‘lamini kengaytirish, ta’lim, sog‘liqni saqlash, farmatsevtika, turizm sohasidagi aloqalarni rivojlantirish masalalariga ham e’tibor qaratildi.