G'aznachilikning vazifalari va funksiyalari
Quyidagilar Gʻaznachilikning asosiy vazifalari hisoblanadi:
Davlat budjetining kassa ijrosini amalga oshirish, Yagona gʻazna hisobvaragʻi likvidligini boshqarish;
Oʻzbekiston Respublikasi Iqtisodiyot va moliya vazirligining (keyingi oʻrinlarda Iqtisodiyot va moliya vazirligi) Yagona gʻazna hisobvaragʻidagi milliy va chet el valyutasidagi hamda boshqa bank hisobvaraqlaridagi budjet tizimi budjetlarining mablagʻlarini boshqarish;
Davlat xaridlari boʻyicha siyosatni yuritish va amaliyotdan kelib chiqib sohani takomillashtirib borish hamda budjet tizimi budjetlari boʻyicha yuridik majburiyatlarni roʻyxatdan oʻtkazish va hisobga olish;
Davlat budjetining gʻazna ijrosi tahlili va hisobini yuritish;
Taʼsischisi budjet tashkiloti boʻlgan davlat korxonalariga gʻaznachilik xizmatini koʻrsatish;
Gʻaznachilik oʻziga yuklangan vazifalarga muvofiq quyidagi funksiyalarni amalga oshiradi:
a) Davlat budjetining kassa ijrosini amalga oshirish, Yagona gʻazna hisobvaragʻi likvidligini boshqarish boʻyicha:
Davlat budjetining kassa ijrosi, jumladan tushadigan daromadlarni turli darajadagi budjetlar oʻrtasida taqsimlaydi, budjet tashkilotlari va budjet mablagʻlari oluvchilarning xarajatlar smetalari ijrosini amalga oshiradi;
tegishli budjetlar daromadlari va xarajatlari oʻrtasidagi kassa uzilishlarining oldini olishni taʼminlaydigan, Davlat budjeti Yagona gʻazna hisobvaragʻidagi mablagʻlarni boshqaradi;
Davlat budjeti ijrosi jarayonida respublika va mahalliy budjet daromadlari tushumi va xarajatlarining qisqa muddatli prognozlarini tuzadi;
yuqori budjetlarda nazarda tutilgan budjetlararo transfertlar summasini va boshqa toʻlovlarni moliya organlari tomonidan kiritilgan tegishli hujjatlar asosida tegishli budjetlardagi mavjud mablagʻlar qoldigʻi doirasida quyi budjetlarning shaxsiy gʻazna hisobvaraqlariga oʻtkazadi;
budjet tizimi budjetlari hamda boshqa budjetdan tashqari jamgʻarmalarning hisobidan ish haqi va unga tenglashtirilgan boshqa toʻlovlar, shuningdek qonunchilik hujjatlariga muvofiq budjet tashkilotlari va budjet mablagʻlari oluvchilar tomonidan naqd pul mablagʻlari bilan toʻlanadigan boshqa toʻlovlarni toʻlash uchun tegishli bank hisob raqamlariga mablagʻlar oʻtkazadi;
Gʻaznachilik faoliyati jarayonida inson omilini kamaytirish orqali gʻaznachilik operatsiyalarini avtomatlashtirish va raqamlashtirish boʻyicha Iqtisodiyot va moliya vazirligiga takliflar kiritadi;
elektron hisob-fakturalar va tovarlar (ishlar, xizmatlar) yetkazib berilish holatini tasdiqlaydigan yoki budjet tashkilotlari va budjet mablagʻlari oluvchilarga soliqlar, yigʻimlar hamda Davlat budjetiga va davlat maqsadli jamgʻarmalariga majburiy toʻlovlar uchun budjet mablagʻlarini oʻtkazish majburiyatini yuklaydigan boshqa hujjatlar asosida budjet tashkilotlari va budjet mablagʻlari oluvchilarning moliyaviy majburiyatlari hisobini yuritadi;
budjet tashkilotlari, budjet mablagʻlari oluvchilar, davlat maqsadli jamgʻarmalari va budjetdan tashqari jamgʻarmalar nomidan hamda ularning topshirigʻi boʻyicha xarajatlar smetalarida va roʻyxatdan oʻtkazilgan shartnomalarda nazarda tutilgan mablagʻlar doirasida budjet mablagʻlarini yuridik va jismoniy shaxslarning hisob raqamlariga oʻtkazish majburiyatini yuklaydigan boshqa hujjatlarda nazarda tutilgan summalarni tegishli budjetlardagi mavjud mablagʻlar qoldigʻi doirasida tovarlarni (ishlarni, xizmatlarni) yetkazib beruvchilarning bank hisob raqamlariga toʻlovlarni bevosita amalga oshirish orqali toʻlov intizomiga rioya etilishini taʼminlaydi;
belgilangan tartibda budjet tizimi budjetlarining boʻsh mablagʻlarini bank depozitlariga va boshqa aktivlarga vaqtinchalik joylashtiradi;
qonunchilik hujjatlarida nazarda tutilgan tartibda yuridik va jismoniy shaxslarning bank hisob raqamlariga sudning qarori boʻyicha Yagona gʻazna hisobvaragʻidan yoki Gʻaznachilikning boshqa hisob raqamlaridan mablagʻlar oʻtkazadi, shuningdek davlat organlari yoki ushbu organlar mansabdor shaxslarining noqonuniy hatti-harakatlari yoki harakatsizligi natijasida fuqarolarga yoki yuridik shaxslarga yetkazilgan zararni qoplash uchun mablagʻlarni belgilangan tartibda oʻtkazadi;
Oʻzbekiston Respublikasi Prezidenti va Vazirlar Mahkamasi qarorlari hamda farmoshiylariga asosan Vazirlar Mahkamasi zaxira jamgʻarmasi mablagʻlari hisobidan moliyalashtirish uchun xarajatlar smetasini kiritadi;
Maktabgacha taʼlim sohasida davlat-xususiy sheriklikni yanada rivojlantirish chora-tadbirlari boʻyicha belgilangan tartibda shartnomalarni roʻyxatdan oʻtkazadi va toʻlov topshiriqnomalarga asosan toʻlovlarni amalga oshiradi;
Sohaga oid meʼyoriy hujjatlarni amaliyotdan kelib chiqqan holda takomillashtirish boʻyicha takliflar kiritib boradi;
b) Iqtisodiyot va moliya vazirligining Yagona gʻazna hisobvaragʻidagi milliy va chet el valyutasidagi hamda boshqa bank hisobvaraqlaridagi budjet tizimi budjetlarining mablagʻlarini boshqarish boʻyicha:
budjet tashkilotlari hamda budjet mablagʻlari oluvchilar uchun chet el valyutasidagi shaxsiy gʻazna hisobvaraqlarini ochadi va yopadi;
budjet tashkilotlari hamda budjet mablagʻlari oluvchilarning chet el valyutasidagi daromadlari va xarajatlari hisobini yuritadi hamda kassa ijrosini amalga oshiradi;
valyuta mablagʻlari hisobidan jalb qilingan xalqaro moliyaviy institutlar va xorijiy hukumat moliya tashkilotlari qarzlari va kreditlarini qaytarish hamda Oʻzbekiston Respublikasi Vazirlar Mahkamasi qarorlariga asosan Iqtisodiyot va moliya vazirligi tomonidan toʻlovlari amalga oshiriladigan xalqaro moliyaviy institutlar va tashkilotlarga aʼzolik badallarini toʻlaydi;
Davlat qarzi hisobiga moliyalashtirilgan loyiha va dasturlar boʻyicha qarzdor tashkilotlar yoki qayta moliyalashtiruvchi banklar oʻz qarz toʻlovlarini vaqtida va toʻliq amalga oshirmagan holatlarda mazkur qarzdorlikni qarzdor tashkilotlardan undirish sharti bilan Kafolat jamgʻarmasi mablagʻlari hisobidan qoplaydi;
valyuta mablagʻlarini boshqaradi, chet el valyutasidagi mablagʻlarni depozitlarga joylashtiradi hamda budjet ssudasi va subsidiyalarini ajratadi;
xalqaro moliya institutlari hamda xorijiy va mahalliy banklar bilan hosila moliyaviy vositalar (derivativlar) boʻyicha operatsiyalarni amalga oshiradi;
v) Davlat xaridlari boʻyicha siyosatni yuritish va amaliyotdan kelib chiqib sohani takomillashtirib borish hamda budjet tizimi budjetlari boʻyicha yuridik majburiyatlarini roʻyxatdan oʻtkazish va hisobga olish boʻyicha:
davlat xaridlariga oid normativ-huquqiy hujjatlarni yanada takomillashtirish boʻyicha zaruriy choralar koʻradi va takliflar ishlab chiqadi;
davlat buyurtmachilariga hamda tadbirkorlik subyektlariga davlat xaridlarini amalga oshirish va unda ishtirok etish yuzasidan tegishli tavsiyalar va koʻrsatmalar beradi;
davlat buyurtmachilari tomonidan amalga oshiriladigan davlat xaridlari toʻgʻrisidagi maʼlumotlarni tahlil qiladi va ularni ochiqlaydi;
davlat xaridlari sohasini raqamlashtirish yuzasidan takliflar ishlab chiqadi;
davlat xaridlari elektron tizimi operatorlariga davlat xaridlarini tashkil etish va amalga oshirish yuzasidan tavsiyalar va koʻrsatmalar beradi.
budjet tashkilotlari va budjetdan mablagʻ oluvchilarning budjet tizimi budjetlari mablagʻlari, shu jumladan mudofaa majmui va huquq tartibot organlarini moliyalashga yoʻnaltiriladigan budjet mablagʻlari hisobiga tuzilgan shartnomalarni xarajatlar smetalarida koʻrsatilgan summalar doirasida hamda xarajatlar guruhi boʻyicha iqtisodiy tasnif kodlariga muvofiq tuzilganligini koʻrib chiqish asosida majburiy roʻyxatdan oʻtkazadi, bunda namunaviy shakldagi savolnoma (cheklist)dan foydalanadi;
davlat buyurtmachilar tomonidan amalga oshirilayotgan xaridlar monitoringini olib boradi;
g) Davlat budjetining gʻazna ijrosi tahlili va hisobini yuritish boʻyicha:
Davlat budjeti gʻazna ijrosining buxgalteriya hisobi va hisobotini yuritadi, Davlat budjeti ijrosi haqida axborotlarni shakllantiradi, qayta ishlaydi va tahlil qiladi;
Yagona gʻazna hisobvaragʻidagi mablagʻlarning harakati toʻgʻrisidagi axborotni Iqtisodiyot va moliya vazirligiga har kunlik asosida elektron shaklda taqdim etadi;
manbalar boʻyicha tegishli budjet tizimi budjetlari daromadlari tushumi hisobini yuritadi;
birlamchi hujjatlar asosida Davlat budjeti gʻazna ijrosining tahliliy va sintetik buxgalteriya hisobini yuritadi;
budjet tizimi budjetlarining ijro etilishi haqida axborotlarni jamlash, qayta ishlash va tahlil qilish asosida budjet tizimi budjetlarining kassa ijrosi toʻgʻrisidagi tahliliy yigʻma hisobotni shakllantirib, belgilangan muddatlarda Iqtisodiyot va moliya vazirligiga taqdim etadi;
Oʻzbekiston Respublikasiga kelayotgan barcha turdagi insonparvarlik yordamlarining hisobini yuritadi;
d) Taʼsischisi budjet tashkiloti boʻlgan davlat korxonalariga gʻaznachilik xizmatini koʻrsatish boʻyicha:
Iqtisodiyot va moliya vazirligining axborot tizimida taʼsischisi budjet tashkiloti boʻlgan davlat korxonalarining daromadlari va xarajatlari uchun shaxsiy gʻazna hisobvaraqlarini ochadi va yopadi hamda ularga xizmat koʻrsatadi;
taʼsischisi budjet tashkiloti boʻlgan davlat korxonalarining vaqtincha boʻsh mablagʻlarini tijorat banklari depozitlariga joylashtiradi;
Davlat budjeti oldidagi majburiyatlarini bajarmagan taʼsischisi budjet tashkiloti boʻlgan davlat korxonalardan inkasso topshiriqnomasi orqali barcha mablagʻlarini Davlat budjetiga undiradi;
e) Xalqaro moliya institutlari hamda xorijiy va mahalliy banklar bilan hosila moliyaviy vositalar (derivativlar) boʻyicha operatsiyalarni amalga oshiradi:
Qonunchilik hujjatlariga muvofiq boshqa funksiyalarni bajarishi mumkin.
Gʻaznachilik hududiy boshqarmalarining funksiyalari Gʻaznachilik xizmati qoʻmitasi raisi tomonidan tasdiqlanadigan nizomlar bilan belgilanadi.