Jahon banki ekspertlari bilan davlat aktivlari va majburiyatlarini boshqarish masalalari muhokama qilinmoqda
2026-06-23 00:00:00 / Yangiliklar
2026-yil 17–24-iyun kunlari Jahon bankining davlat moliyasini boshqarish va makroiqtisodiy siyosat yo‘nalishidagi ekspertlaridan iborat missiyasi O‘zbekistonda bo‘lib turibdi. Missiyaga Jahon bankining katta davlat sektori mutaxassisi Fabienne Mroczka rahbarlik qilmoqda.
Missiyada Jahon bankining davlat moliyasi va moliyaviy boshqaruv yo‘nalishlaridagi mutaxassislari — Miguel Navarro-Martin, Kanat Kaiyrberli, Mayk Villiams ishtirok etmoqda.
Uchrashuvlarda davlat pul mablag‘larini boshqarish amaliyoti, likvidlikni boshqarish qoidalari,pul oqimlarini prognozlash, vaqtincha bo‘sh mablag‘lardan foydalanish, shuningdek, ushbu jarayonlarni davlat qarz instrumentlari bilan muvofiqlashtirish masalalariga alohida e’tibor qaratilmoqda.
Missiya yakunlari bo‘yicha davlat aktivlari va majburiyatlarini boshqarishning institutsional, operatsion va tahliliy asoslarini yanada mustahkamlashga qaratilgan tavsiyalar ishlab chiqilishi kutilmoqda.