Radioaktiv chiqindilar bilan muomalada boʼlishning talablari belgilandi
2025-10-29 11:00:00 / Yangiliklar
🔰 Mazkur hujjat atom elektr stantsiyalari, kichik modulli yadro reaktorlar, tadqiqot yadro reaktorlar hamda boshqa yadroviy qurilmalardan foydalanish va ularni foydalanishdan chiqarish jarayonida hosil boʼladigan radioaktiv chiqindilar bilan muomalada boʼlishda xavfsizlikni taʼminlashga oid talablarni belgilaydi.
✅ Radioaktiv chiqindilar bilan muomalada boʼlishda quyidagi xavfsizlik talablariga rioya qilinishi lozim, jumladan:
🔹 xodimlarning nurlanish dozalari ustidan doimiy individual nazoratni amalga oshirish;
🔹 radioaktiv chiqindilarni ularning faollik darajasiga koʼra tasniflash;
🔹 radioaktiv chiqindilardan radiatsiya tarqalishining oldini olish maqsadida muhofaza va muhandislik toʼsiqlarini qoʼllash;
🔹 xodimlarni shaxsiy himoya vositalari hamda dozimetrik nazorat vositalari bilan taʼminlash;
📝 Radioaktiv chiqindilar bilan muomalada boʼlishda radiatsiyaviy nazorat shakli obʼekt loyihasida belgilanishi va obʼektning ekspluatatsiya hujjatlarida koʼrsatilishi lozim.
📃 Ekspluatatsiya qiluvchi tashkilotlar ekspluatatsiya hujjatlarini, jumladan radioaktiv chiqindilar bilan bogʼliq ishlarni amalga oshirish boʼyicha yoʼriqnomalar
va qoʼllanmalarni ishlab chiqishni taʼminlashi lozim.
🔗 Аtom energiyasidan foydalanish jarayonida radioaktiv chiqindilar hosil boʼlishining normalari, shu jumladan radioaktiv chiqindilar hosil boʼlishining yillik rejalashtirilgan miqdorlari (hajmlari) hisobotda koʼrsatilishi lozim.