📢 Nukus shahrida radiatsiyaviy xavfsizlik va “Ekotizim” platformasidan foydalanish masalalariga bag‘ishlangan seminar o‘tkazildi
2026-04-17 18:00:00 / Yangiliklar
Tadbirda Qoraqalpog‘iston Respublikasida rentgen uskunalari bilan faoliyat yuritayotgan tashkilot vakillari hamda Sanoat, radiatsiya va yadro xavfsizligi qo‘mitasining hududiy boshqarmasi mutaxassislari ishtirok etishdi.
🔍 Seminarning asosiy mavzulari:
Qonunchilik ijrosi: “Radiatsiyaviy xavfsizlik to‘g‘risida”gi va “Litsenziyalash, ruxsat berish va xabardor qilish tartib-taomillari to‘g‘risida”gi Qonunlar ijrosini ta’minlash.
Vazirlar Mahkamasining 86-sonli qarori: Maxsus elektron tizim orqali ruxsat etish xususiyatiga ega hujjatlarni berishning yangi va soddalashtirilgan tartiblari.
“Ekotizim” platformasi: Uskunalarni tizimli ro‘yxatga qo‘yish, hujjatlarni elektron biriktirish va raqamlashtirish jarayonidagi dolzarb masalalar.
💡 Muammolar va yechimlar:
Muloqot davomida rentgen uskunalaridan foydalanish uchun ruxsatnoma olishda tashkilotlarda yuzaga kelayotgan texnik va huquqiy muammolar tahlil qilindi. Mutaxassislar tomonidan platformadan foydalanish, hujjatlarni xatosiz yuklash va radiatsiyaviy xavfsizlik normalariga qat'iy rioya etish bo‘yicha batafsil tushuntirishlar berildi.
Tadbir yakunida ishtirokchilar o‘zlarini qiziqtirgan barcha savollarga mutaxassislardan javob oldilar. Bu kabi tadbirlar tadbirkorlik subyektlari va tibbiyot muassasalariga o‘z faoliyatini qonuniy va xavfsiz tashkil etishda ko‘maklashishga xizmat qiladi.
🌐 Sanoat, radiatsiya va yadro xavfsizligi qo'mitasi Axborot xizmati