📢 DIQQAT: Atom elektr stansiyalarida xavfsizlikni ta'minlashning yangi qoidalari tasdiqlandi!
2026-04-16 09:00:00 / Yangiliklar
Ushbu hujjat mamlakatimizda yadro energiyasidan tinchlik maqsadlarida foydalanishda fuqarolarimiz, xodimlar va atrof-muhit xavfsizligini eng yuqori darajada kafolatlashga qaratilgan qat'iy talablarni o'z ichiga oladi.
Qaror bilan tasdiqlangan qoidalarning asosiy va eng muhim jihatlari bilan tanishing:
🚨 1. Favqulodda vaziyatlarga tayyorgarlik va aholini himoya qilish
Har qanday avariya holatida xodimlar va aholini himoya qilish harakatlari qat'iy reja asosida amalga oshiriladi. Favqulodda vaziyatlarga tayyorgarlik ko‘rish darajasi hamda xabar berish tartibini o'rnatish to'g'ridan-to'g'ri AESni ekspluatatsiya qiluvchi tashkilotning qat'iy majburiyati hisoblanadi.
🛡 2. Xavfsizlik tizimlari yoqilg‘i olib kelinishidan oldin tayyor bo‘lishi shart!
Qoidaga ko'ra, AES hududiga yadroviy yoqilg‘i olib kelinishidan avval himoyalangan avariyalarni boshqarish punktlari to'liq tashkil etilishi kerak. Ular:
Doimiy tayyor va ishchi holatda saqlanishi;
Barcha zarur uskuna-asboblar hamda uzluksiz aloqa vositalari bilan to‘liq jihozlanishi shart.
⚠️ 3. Loyihadan tashqari avariyalarni boshqarish (Kutilmagan vaziyatlar algoritmi)
Agar AESda loyihadan tashqari (o'ta murakkab) avariya yuz bersa, jarayonni nazoratga olish uchun ekspluatatsiya qiluvchi tashkilot zudlik bilan quyidagi 4 ta asosiy qadamni ta'minlashi lozim:
Nazoratni tiklash: AES blokini boshqariladigan va nazorat ostidagi holatga darhol qaytarish;
Reaksiyani to'xtatish: Zanjirli parchalanish reaksiyasini (yadroviy reaksiyani) xavfsiz tarzda to‘xtatish;
Sovutish tizimi: Yadro yoqilg‘isining uzluksiz sovutilishini barqaror ta’minlash;
Izolyatsiya: Radioaktiv moddalarning atrof-muhitga tarqalib ketishining oldini olish va ularni belgilangan chegaralarda qat'iy ushlab turish.
Shuningdek, qoidalarda reaktorning germetik to‘siq bilan o‘ralgan qismlarini himoya qilish, avariyalar oqibatlarini yumshatish bo'yicha ham zamonaviy talablar belgilangan.
✅ Ushbu qoidalar xalqaro standartlar va ilg'or tajribalar asosida ishlab chiqilgan bo'lib, yurtimizda xavfsiz va ishonchli atom energetikasi poydevorini mustahkamlaydi.
Xavfsizlik – bizning eng oliy ustuvor vazifamizdir!
🌐 Sanoat, radiatsiya va yadro xavfsizligi qo'mitasi Axborot xizmati