🌐 Xalqaro maydonda muhim qadam: Oʻzbekiston yadro xavfsizligi boʻyicha oʻzining birinchi milliy hisobotini taqdim etdi
2026-04-14 18:00:00 / Yangiliklar
Tarixiy jarayon va e'tirof
Yigʻilishning ikkinchi kunida Oʻzbekiston Respublikasi delegatsiyasi Konvensiyadan kelib chiquvchi majburiyatlar boʻyicha o‘zining birinchi milliy hisobotini xalqaro hamjamiyatga taqdim qildi 📝.
AEXAga aʼzo davlatlar Oʻzbekistonning ushbu Konvensiyaga qoʻshilganini iliq kutib olib, mamlakatimiz yadroviy dasturini xavfsiz va muvaffaqiyatli amalga oshirishiga ishonch bildirdilar. 🤝
Ma’lumot uchun: O‘zbekiston Respublikasi mazkur Konvensiyaga Prezidentimizning 2025-yil 28-fevraldagi qarori asosida qo’shilgan bo’lib, hujjat yurtimiz uchun 2025-yil 13-iyuldan kuchga kirgan.
🎤 AEXA Bosh direktorining munosabati
Yigʻilishning ochilish marosimida AEXA Bosh direktori Rafael Mariano Grossi yadro xavfsizligiga xalqaro darajada e'tibor qaratish bugungi kunda ayniqsa dolzarb ekanini ta'kidladi:
"Yadro inshootlarining xavfsiz ishlashiga taʼsir koʻrsatayotgan misli koʻrilmagan sharoitlarni boshqarish masalasi muhim ahamiyat kasb etmoqda. Atom elektr stansiyalari xavfsizligi yana jamoatchilik eʼtiborining markaziga chiqayotgan bir paytda Konvensiyaning maqsad va vazifalarini yodda tutish muhimdir".
Shuningdek, R. Grossi Konvensiyaga yangi qoʻshilgan davlatlar, xususan, Oʻzbekistonni alohida e'tirof etib, bu qadam mamlakatimizning radiatsiya va yadro xavfsizligini taʼminlash hamda institutsional asoslarini mustahkamlashga katta hissa qo'shishiga umid bildirdilar.
Ayni paytda O'zbekiston delegatsiyasining mazkur nufuzli yigʻilishdagi ishtiroki davom etmoqda.