"VEOLIA ENERGY TASHKENT" korxonasiga AVARIYALARNI oldini olish maqsadida ko‘p kvartirali uy yer to‘lalarda joylashgan qozonlarni ko‘chirish bo‘yicha yozma ko‘rsatma berildi.
2026-03-18 12:00:00 / Yangiliklar
Shu maqsadda O‘zbekiston Respublikasi Prezidentining 2024-yil 24-dekabrdagi “Sanoat, radiatsiya va yadro xavfsizligi sohasida davlat nazoratini takomillashtirish bo‘yicha qo‘shimcha chora-tadbirlar to‘g‘risida”gi PF-224-sonli farmoni qabul qilindi. Ushbu farmon asosida sohada nazorat tizimini raqamlashtirish, xavfli ishlab chiqarish obyektlarini yagona bazaga kiritish va ular ustidan samarali monitoring o‘rnatish ishlari boshlandi.
💻 Farmon ijrosi doirasida “Yagona integratsiyalashgan ekotizim” axborot tizimi (ekotizim.cirns.uz) ishlab chiqilib, amaliyotga joriy etildi. Tizim orqali korxonalar xavfli ishlab chiqarish obyektlarini davlat reestriga kiritish uchun elektron arizalar yuborishi mumkin.
🔎 O‘rganishlarda aniqlangan muammo
Mazkur tizim orqali bir qator mahalliy qozonxonalarni davlat reestriga kiritish bo‘yicha arizalar taqdim etildi. Ular orasida Toshkent shahrida joylashgan quyidagi obyektlari mavjud:
📍 «Navoiy-21» mahalliy qozonxonasi
📍 «Uyg‘ur-314» mahalliy qozonxonasi
📍 «Yangi-Zamon, 16a» mahalliy qozonxonasi
📍 «Usto Shirin, 96» mahalliy qozonxonasi
📍 «Navoiy-17» mahalliy qozonxonasi
2026-yil 5-mart kuni ushbu obyektlar joyiga chiqib o‘rganildi.
O‘rganish natijasida ularning barchasi ko‘p qavatli turar-joy binolarining yerto‘la (podval) qismida joylashgani aniqlandi. "VEOLIA ENERGY TASHKENT" MCHga tegishli qozonxonalarda avariyalarni oldini olish maqsadida ko‘p kvartirali uy yer to‘lalarida joylashgan isitish qozonlarini chiqarib tashlash bo‘yicha yozma ko‘rsatma berildi.
Bu holat nafaqat texnik talablarga, balki amaldagi qonunchilik normalariga ham zid hisoblanadi.
📜 Qonun nima deydi?
Qonunchilikka muvofiq:
📖 O‘zbekiston Respublikasining Uy-joy kodeksi 16-moddasi
📖 SHNQ 2.04.13-24 “Qozonxonalar” shaharsozlik normalari va qoidalari quyidagilarni belgilaydi:
❌ turar joy binolari ichida qozonxona qurishga yo‘l qo‘yilmaydi;
❌ ko‘p kvartirali uylarda sanoat ishlab chiqarish obyektlarini joylashtirish mumkin emas.
Bu talablar aholi xavfsizligini ta’minlash va ehtimoliy avariyalarning oldini olish maqsadida joriy etilgan.
💥 Fojiali hodisalar saboq bo‘lishi kerak
So‘nggi vaqtlarda mamlakatimizda gaz portlashi bilan bog‘liq bir nechta jiddiy holatlar qayd etildi.
📍 Farg‘ona viloyati – Qo‘qon shahri
📍 Andijon viloyati – Andijon shahri
Ushbu hodisalar natijasida:
⚠️ insonlar jabr ko‘rdi
⚠️ ko‘plab uy-joylar zarar ko‘rdi
⚠️ davlat va fuqarolarga katta iqtisodiy zarar yetdi
Bu holatlar xavfli obyektlarni noto‘g‘ri joylashtirish qanchalik katta xavf tug‘dirishini yana bir bor ko‘rsatadi.
❌ Arizalar nega rad etildi?
Tekshiruv natijalariga ko‘ra, yuqoridagi qozonxonalar xavfsizlik talablariga javob bermagani sababli ularni davlat reestriga kiritish bo‘yicha arizalar rad etildi.
Bu qarorning asosiy maqsadi — aholi hayoti va mulki xavfsizligini ta’minlash.
📢 Qanday choralar ko‘riladi?
Mas’ul tashkilotlardan quyidagi talablar bajarilishi shart:
🔴 mazkur qozonxonalardan zudlik bilan foydalanishni to‘xtatish
🔴 ularni konservatsiya qilish
🔴 2026-yil 30-martga qadar xavfsizlik talablariga mos choralar ko‘rish
Ya’ni:
✔️ alohida qozonxona qurish
yoki
✔️ zamonaviy modulli qozonxona o‘rnatish
Sanoat xavfsizligi sohasidagi bunday holatlar loyihalash va joylashtirish jarayonlarida mas’uliyatni yanada kuchaytirish zarurligini ko‘rsatadi.
Chunki sanoat obyektlari bilan bog‘liq har qanday beparvolik:
⚠️ avariyalarga
⚠️ inson qurbonliklariga
⚠️ katta iqtisodiy zararlarga olib kelishi mumkin.
❗️ Shu sababli har bir tadbirkor va tashkilot sanoat xavfsizligi talablariga qat’iy amal qilishi, aholi manfaatlari va xavfsizligini birinchi o‘ringa qo‘yishi zarur.