Tadbirdan ko‘zlangan asosiy maqsad — O‘zbekiston Respublikasining *“Xavfli ishlab chiqarish obyektlarining sanoat xavfsizligi to‘g‘risida”*gi Qonuni talablarini tushuntirish hamda qurilish maydonlarida xavfsizlik madaniyatini yuksaltirishdan iborat.

🏗 Qurilishda xavfsizlik — ustuvor vazifa

Seminarda poytaxtimizda keng ko‘lamda olib borilayotgan qurilish-montaj ishlari davomida:

• Yuk ko‘tarish kranlaridan foydalanishda sanoat xavfsizlik qoidalariga rioya etish;

• Faoliyatga tegishli ruxsat etish xususiyatiga ega hujjatlar asosida ishlarni tashkil qilib, qonun ustuvorligini ta’minlash;

• Lift uskunalarini o‘rnatish va ularga xizmat ko‘rsatishda yo‘l qo‘yilayotgan xato va kamchiliklarning oldini olish masalalari atroflicha muhokama qilindi.

Mutaxassislar tomonidan tadbirkorlarga sohaga oid huquqiy ko‘mak ko‘rsatilib, avariya va baxtsiz hodisalarning oldini olish bo‘yicha aniq tavsiyalar berildi.

🗣 Jamoatchilik eshituvlari va yangi me’yorlar

Tadbirning muhim qismi sifatida, sohada yangi qabul qilingan va qabul qilinishi kutilayotgan me’yoriy-huquqiy hujjatlar loyihalari, xususan, O‘zbekiston Respublikasining *“Xavfli ishlab chiqarish obyektlarining sanoat xavfsizligi to‘g‘risida”*gi Qonunining yangi tahriri bo‘yicha jamoatchilik eshituvi o‘tkazildi. Unda tadbirkorlar va soha mutaxassislari o‘z taklif va mulohazalarini bildirishdi. Bu kabi ochiq muloqotlar qonunchilik hujjatlarini ishlab chiqishda amaliyotdagi real holatni hisobga olish imkonini beradi.

🤝 Tadbirkorlar bilan doimiy muloqot

Seminar yakunida ishtirokchilar o‘zlarini qiziqtirgan savollarga Qo‘mita mas’ullaridan batafsil javob oldilar. Ta’kidlanganidek, xavfsizlik talablariga rioya etish nafaqat qonun ustuvorligi, balki insonlar hayoti va sog‘lig‘ini asrashning asosiy garovidir.

Sanoat, radiatsiya va yadro xavfsizligi qo‘mitasi Axborot xizmati