🛡 Xavfsizlik:
1️⃣ Kundalik texnik ko‘rik: Har bir ish kuni boshlanishidan oldin mexaniklar barcha harakatlanuvchi qismlarni, mahkamlagichlarni va tormoz tizimlarini sinchiklab tekshiradi.
2️⃣ Yillik sinov va sertifikatlash: Har bir mavsum oldidan attraksionlar nominal yuklamadan 10-25% yuqori vazn bilan sinovdan o‘tkaziladi. Faqat ijobiy natijadan so‘ng ularga yillik ruxsatnoma beriladi.
3️⃣ Avtomatlashtirilgan xavfsizlik datchiklari: Zamonaviy attraksionlar datchiklar bilan jihozlangan bo‘lib, agar kamar to‘liq yopilmasa yoki texnik nosozlik sezilsa, tizim qurilmani avtomatik ravishda to‘xtatadi.
4️⃣ Operator nazorati va yo‘lovchi tartibi: Maxsus o‘qitilgan xodim (operator) har bir yo‘lovchining xavfsizlik talablariga (bo‘y, vazn, yosh cheklovi) mosligini nazorat qiladi.
⚖️ Qonunchilik va Davlat nazorati
Attraksionlardan foydalanish "Sanoat xavfsizligi qoidalari" asosida tartibga solinadi.
Sanoat, radiatsiya va yadro xavfsizligi qo‘mitasining roli:
✅ Davlat reestri: Barcha attraksionlar Qo‘mitada hisobga olinadi va ularga identifikatsiya raqami beriladi.
✅ Muvofiqlik nazorati: Qo‘mita mutaxassislari attraksionlarning texnik hujjatlari va xavfsizlik pasportlari mavjudligini qat’iy tekshiradi.
✅ Ekspluatatsiya ruxsati: Faqat barcha xavfsizlik talablariga javob beradigan ob’ektlargagina mavsumiy foydalanish huquqi beriladi.
⚠️ Muhim eslatma: Agarda attraksion yonida uning oxirgi texnik ko‘rikdan o‘tganligi haqidagi ma’lumotnoma bo‘lmasa, ushbu qurilmadan foydalanish tavsiya etilmaydi.
🏛Sanoat, radiatsiya va yadro xavfsizligi qo‘mitasi attraksionlar bilan bog'liq noxush holatlarni oldini olish maqsadida, mamlakatmiz hududidagi madaniyat va istirohat bog‘lari hamda ko‘ngil ochar maskanlarda o‘rnatilgan va foydalinayotgan texnik nosoz va shubhali bo‘lgan attraksionlarga duch kelsangiz “attraksion_nazorati” (https://play.google.com/store/apps/details?id=com.technocorp.atraksion_nazorati&hl=uz) elektron mobil platformaciga yoki 71 203 02 39 raqamli ishonch telefoniga murojaat qilishingizni so‘raydi.
🛡 Sizning xavfsizligingiz — bizning doimiy nazoratimizda!