Qo‘shma qaror ijrosi muhokama qilindi
2024-03-27 18:00:00 / Yangiliklar
27-mart kuni madaniyat vaziri o‘rinbosari Yusufjon Usmonov hamda O'zbekiston Respublikasi Hisob palatasi xodimi Farhod Jumayev boshchiligida yig‘ilish bo‘lib o‘tdi.
Yig‘ilishda vazirlik markaziy apparati xodimlari, vazirlik tizimidagi barcha tizim tashkilotlari bosh hisobchilari, Qoraqalpog‘iston Respublikasi Madaniyat vazirligi, viloyatlar madaniyat boshqarmalari va Toshkent shahar madaniyat boshqarmasi boshliqlari va bosh hisobchilari ishtirok etishdi.
Yigʻilish avvalida vazir oʻrinbosari Yusufjon Usmonov tomonidan majlis ishtirokchilariga Prezidentning tegishli videoselektor yig‘ilishida belgilangan vazifalar ijrosi yuzasidan O‘zbekiston Respublikasi Hisob palatasi, Bosh prokuratura, Iqtisodiyot va moliya vazirligi hamda Madaniyat vazirligining qo‘shma qarorida belgilangan Yo‘l xaritasiga asosan vazirlikka jami 12 ta banddan iborat topshiriq berilganligini va joriy yil davomida belgilangan tadbirlarni amalga oshirish lozimligi ta’kidlab o‘tildi.
Shuningdek majlis ishtirokchilariga qoʻshma qaror ijrosi yuzasidan vazirlikning tegishli buyruqlari qabul qilinganligi va ular asosida vazirlik markaziy apparat boshqarma va boʻlimlari 27-mart kuniga qadar tegishli bandlar boʻyicha berilgan topshiriqlar ijrosi ta’minlanishi belgilanganligi, ammo ayrim tashkilotlar tomonidan sustkashlikka yo‘l qo‘yilayotganligi ta’kidlanib o‘tildi va bir hafta muddatda ushbu buyruqlar ijrosi ta’minlanishi bo‘yicha tegishli mas’ullarga ko‘rsatmalar berildi.