Madaniyat vaziri Ozodbek Nazarbekov boshchiligida yig'ilish o'tkazildi
2024-08-19 15:05:00 / Yangiliklar
Bugun, 19-avgust kuni madaniyat vaziri Ozodbek Nazarbekov boshchiligida yig'ilish o'tkazildi. Unda, vazirlikning markaziy apparati xodimlari ishtirok etishdi.
Yig'ilishda, so‘nggi yillarda davlatimiz rahbarining tashabbusi bilan boshlangan islohotlar natijasida davlat boshqaruvining barcha sohalarida, shu jumladan, madaniyat sohasida ham ochiqlik va shaffoflikni ta’minlovchi yangi mexanizmlar hayotga samarali joriy etilayotganligi ta'kidlandi.
Prezidentning tegishli qaroriga ko'ra, davlat organlari axborot resurslari yagona platformaga ulangan bo'lib, har bir davlat tashkiloti o'z sohasiga oid ma'lumotlarni belgilangan tartib va muddatlarda ushbu platformaga joylab borishi belgilangan.
Yig'ilish davomida ushbu platformaga vazirlikning byudjet to‘g‘risidagi qonunchilik hujjatlariga muvofiq ochiq maʼlumotlarning joylashtirilishi tanqidiy muhokama etildi.
Shuningdek, vazir Ozodbek Nazarbekov O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi xulosasiga ko'ra, Madaniyat vazirligi matbuot xizmati rahbari — vazirning axborot siyosati masalalari bo‘yicha maslahatchisi lavozimiga tayinlangan O‘sarov Sirojiddin Baxriddinovichni jamoaga tanishtirib, kelgusidagi faoliyatiga muvaffaqiyat tiladi hamda o'z bilim va iqtidorini soha rivoji uchun safarbar etishiga ishonch bildirdi.