Ядро технологиялари ИҲТ мамлакатларида илмий-техник тараққиёт драйвери
2024-12-09 14:25:00 / Янгиликлар
Халқаро конференция доирасида Ислом ҳамкорлик ташкилоти (ИҲТ) мамлакатларида тинчлик мақсадларида ядровий технологияларни жорий этиш ва ривожлантириш истиқболларига бағишланган сессия бўлиб ўтди.
Иштирокчилар илмий- техник ва иқтисодий ривожланишнинг кучли воситаси сифатида ядро технологияларининг муҳим салоҳиятини таъкидладилар.
Муҳокаманинг асосий мавзулари нодавлат соҳаларда ядро технологияларидан фойдаланишнинг афзалликлари эди. Изотоплар ишлаб чиқариш, ядро тиббиётини ривожлантириш, саратон марказлари, тадқиқот реакторлари ва маълумотларни қайта ишлаш марказларини яратиш истиқболли йўналишлар қаторига кирди.
Иштирокчилар бундай ташаббуслар нафақат иқтисодий ўсишни рағбатлантириш, балки муҳим ижтимоий ва тиббий муаммоларни ҳал қилишга ҳам ҳисса қўшиши мумкинлигини таъкидладилар.