Телекоммуникацияларни тартибга солиш агентлиги директори Дилшод Қурёзов АҚШ Давлат департаменти Кибермакон ва рақамли сиёсат бюроси (CDP) вакиллари билан учрашув ўтказди.
2026-09-25 16:00:00 / Янгиликлар
Телекоммуникацияларни тартибга солиш агентлиги директори Дилшод Қурёзов АҚШ Давлат департаменти Кибермакон ва рақамли сиёсат бюроси (CDP) вакиллари билан учрашув ўтказди.
Учрашув давомида Телекоммуникацияларни тартибга солиш агентлиги фаолияти, телекоммуникация операторлари ва провайдерлари учун лицензиялаш тизими, шунингдек, янги ташкил этилган Агентликнинг техник салоҳияти ва истиқболдаги ривожланиш йўналишлари юзасидан фикр алмашилди.
Шунингдек, томонлар телекоммуникация соҳасида тартибга солиш механизмларини такомиллаштириш, хорижий тажрибаларни ўрганиш ва амалиётга жорий этиш, ҳамда соҳанинг техник ривожланиш истиқболларини муҳокама қилдилар.
Шу билан бирга, томонлар ўзаро ҳамкорликни янада ривожлантириш ва истиқболдаги ташаббусларни қўллаб-қувватлашга тайёр эканликларини билдирдилар.