“Ўзбекистон Республикаси мустақиллигининг 35 йиллиги” эсдалик нишонлари ўз эгаларига топширилди.
2026-08-28 11:00:00 / Янгиликлар
Мустақиллигимизнинг 35 йиллик тантаналари арафасида юртимизда инсон қадри, унинг Ватан тараққиётига қўшган муносиб ҳиссаси яна бир бор юксак эътироф этилмоқда.
Ўзбекистон Республикаси Президентининг тегишли фармонига мувофиқ, мамлакатимиз ижтимоий-иқтисодий тараққиётига муносиб ҳисса қўшиб, ўзининг фидокорона меҳнати, ташаббускорлиги ва ибратли фаолияти билан юртимиз равнақига хизмат қилиб келаётган бир гуруҳ юртдошларимиз давлат мукофотлари билан тақдирланди.
Телекоммуникацияларни тартибга солиш агентлигига ҳам байрам арафасида кўп йиллик самарали меҳнати, юксак касбий маҳорати ва ижтимоий ҳаётдаги фаол иштироки билан эл-юрт ҳурматига сазовор бўлган Агентликнинг бир қатор ходимларига “Ўзбекистон Республикаси мустақиллигининг 35 йиллиги” эсдалик нишонлари топшириш тадбири бўлиб ўтди.
Тадбир ҳурматли Президентимизнинг “35 йил – тарих учун жуда қисқа давр. Лекин ортда қолаётган йиллар ўзининг кўлами, ютуқ ва натижалари билан асрга татигулик давр бўлди, десак, асло муболаға бўлмайди,” – деган сўзлари билан бошланиб, юртимиз мустақилликка эришгандан буён, айниқса Янги Ўзбекистон даврида амалга оширилган йирик лойиҳалар, ислоҳотлар, бунёдкорлик ишлари ҳамда эришилган ютуқлар, уларнинг самараси ўлароқ тинчлик-хотиржамлик ва фаровон турмуш натижасида инсонлардаги шукроналик ҳиссининг ортиб бораётганлиги таъкидлаб ўтилди.