Ўзбекистон Республикаси Соғлиқни сақлаш вазирлиги

Алижанов Аброржон Алижон ўғли Соғлиқни сақлаш вазирлигининг Тиббий ёрдамни ташкиллаштириш департаменти бошлиғи этиб тайинланди.

А. Алижанов 2003 йил Андижон давлат тиббиёт институтининг бакалавриат, 2006 йил мазкур олий ўқув юртининг магистратура босқичларини тамомлаган.

Турли йилларда Республика шошилинч тиббий ёрдам илмий маркази Наманган филиалининг абдоминал хирургия бўлимида жарроҳ, ходимлар бўлими бошлиғи, филиал бош шифокори ўринбосари ҳамда директори, шунингдек, Соғлиқни сақлаш вазирлигининг Тиббий хизмат сифатини назорат қилиш бошқармаси бошлиғи каби лавозимларда ишлаган.

А. Алижанов тайинловга қадар Соғлиқни сақлаш вазирлиги Назорат инспекцияси бошлиғи вазифасида фаолият кўрсатиб келаётган эди.
                                ***
Эралиев Умиджан Эргашович Соғлиқни сақлаш вазирлигининг Оналик ва болаликни муҳофаза қилиш бошқармаси бошлиғи этиб тайинланди.

У. Эралиев 2009 йил Тошкент педиатрия тиббиёт институтининг бакалавриат, 2012 йил Тошкент тиббиёт академиясининг магистратура босқичларини тамомлаган.

Турли йилларда Тошкент тиббиёт академияси менежмент, тиббий биология, биотиббиёт муҳандислиги ва олий маълумотли ҳамшира факультети ҳамда 2-сон даволаш факультети декани, Ўзбекистон Республикаси Президенти Администрацияси Соғлиқни сақлаш ва тиббий суғурта тизимини жорий қилиш шўъбаси бош консультанти каби масъул лавозимларда ишлаган.

Тиббиёт фанлари доктори (DSc) У. Эралиев тайинловга қадар Ўзбекистон Республикаси Президенти Администрацияси Соғлиқни сақлашни ривожлантириш шўъбаси бош инспектори вазифасида фаолият кўрсатиб келаётган эди.

                                 ***
Султанов Даврон Тахирович Соғлиқни сақлаш вазирлигининг Назорат инспекцияси бўлими бошлиғи лавозимига тайинланди. 

Д. Султанов 2005 йил Тошкент давлат тиббиёт институтининг бакалавриат, 2013 йил Тошкент педиатрия тиббиёт институтининг магистратура босқичларини тамомлаган. 

Турли йилларда Соғлиқни сақлаш вазирлиги Назорат инспекциясининг Тошкент шаҳри бўйича бошлиғи, Тошкент шаҳар тез тиббий ёрдам станцияси бош шифокори, Тошкент шаҳар соғлиқни сақлаш бош бошқармаси бошлиғи, Вазирлар Маҳкамаси аппаратининг Таълим, соғлиқни сақлаш ва спорт котибияти бош мутахассиси, Бош вазир котибияти Ахборот-таҳлил ва юридик таъминлаш департаменти, шунингдек, Ижтимоий ривожланиш бўлими бош мутахассиси, Соғлиқни сақлаш вазирининг биринчи ўринбосари вазифасини бажарувчи каби масъул лавозимларда фаолият кўрсатган.

Тиббиёт фанлари бўйича фалсафа доктори Д.Султанов тайинловга қадар Ўзбекистон Республикаси Президенти Администрацияси Ижтимоий ривожланиш департаменти шўъба мудири лавозимида ишлаб келаётган эди.

Соғлиқни сақлаш вазирлиги
Матбуот хизмати.