Соғлиқни сақлаш вазирлигининг тегишли буйруғига кўра, Иброҳимов Комилжон Бобомуродович Навоий вилояти соғлиқни сақлаш бошқармаси бошлиғининг рақамлаштириш
2025-01-15 14:45:00 / Янгиликлар
Соғлиқни сақлаш вазирлигининг тегишли буйруғига кўра, Иброҳимов Комилжон Бобомуродович Навоий вилояти соғлиқни сақлаш бошқармаси бошлиғининг рақамлаштириш бўйича ўринбосари вазифасини бажарувчи этиб тайинланди.
К. Иброҳимов 2000 йил Тошкент электротехника алоқа институтини тамомлаган.
У меҳнат фаолиятини Навоий шаҳарлараро телекоммуникация тармоқларининг 4-автомат телефон станцияси электромеханиги сифатида бошлаган. Кейинчалик “Ўзбектелеком” акциядорлик компанияси Навоий филиали тижорат директори, “Olive Telecom” қўшма корхонаси бош директори каби масъул лавозимларда ишлаган.
Тайинловга қадар К. Иброҳимов “Coscom” МЧЖ Навоий шаҳар техник бўлими мутахассиси лавозимида меҳнат қилиб келаётган эди.
Янги раҳбарга соҳани рақамлаштириш жараёнини такомиллаштириш, ахборот тизимларининг жойларда тўлиқ ишлашини таъминлаш ва ходимларнинг билим ва кўникмаларини ошириш каби вазифалар юклатилди.
Соғлиқни сақлаш вазирлиги
Матбуот хизмати.