Пойтахтимизда Ўзбекистон аллергологлари ва клиник иммунологларининг VI халқаро конгресси бўлиб ўтмоқда.
2026-11-20 11:55:00 / Янгиликлар
Тадбирда Ўзбекистон, Россия, Туркия, Австрия, Беларусь, Қозоғистон каби давлатлардан етакчи олимлар, аллерголог-иммунологлар ҳамда тиббиёт соҳаси мутахассислари иштирок этяпти.

Сўзга чиққанлар томонидан қайд этилганидек, Республика ихтисослаштирилган аллергология ва клиник иммунология илмий-амалий тиббиёт маркази ўз фаолиятини халқаро стандартларга уйғунлаштиришга эришди. Яъни ўтган йили муассасага ISO 7101:2023 халқаро сифат сертификати топширилди. Бу ерда 1,5 миллион АҚШ доллари қийматидаги халқаро грант маблағи ҳисобига референс-лаборатория ишга туширилди.
Анжуман кун тартибидан бронхиал астма, аллергик ринит, атопик дерматит, дори воситаларига аллергик реакциялар, иммунитет танқислиги, аллергик касалликларни молекуляр диагностика қилиш ҳамда аллерген-специфик иммунотерапиянинг замонавий усулларига оид масалалар ўрин олган.
Конгресс эртага ҳам ўз ишини давом эттиради.
ССВ Матбуот хизмати.








